काठमाडौं : परम्परा र संस्कृति लोप हुने क्रममा रहेको भन्दै नयाँ बानेश्वरमा रहेको राष्ट्रिय पोशाक घरले सरकारलाई राष्ट्रिय पोशाक घोषणा गर्न दबाबमूलक अभियान थालेको छ ।
भोलि शनिबार १२ बजे बबरमहलको कार्की व्यांकेटमा सबै युवायुवतीको सहभागितामा अभियान अघि बढाउने संयोजक राजानन्द माण्डव्यले जानकारी दिए । ‘यो अभियान चलाएको धेरै भयो तर सरकार र सम्बन्धित निकायले नसुनेपछि दबाबमूलक कार्यक्रम नै गर्ने सोच अघि बढेका छौं’ माण्डव्यले भने, 'हामी नेपालीको दौरा सुरुवाल र साडी चोलो पहिचान हो, यसलाई बचाउनु हाम्रो कर्तव्य भइसकेको छ ।’
नेपाल समाचारपत्र दैनिकमा खबर छापिएको छ ।
