धनगढी । जनभावना विपरित राजधानी घोषणा गरिएको भन्दै शनिबारदेखि धनगढीमा आम हड्तालको घोषणा गरेको नागरिक समाज संघर्ष समितीले आज आम हड्ताल स्थगित गरेको बताएको छ ।
सरकारी तवरबाट आन्दोलनमा हुनसक्ने घुसपैठलाई मध्यनजर गर्दै आम हड्ताल स्थगित गरेको आन्दोलनकारीले जानकारी दिए । आसोज १५ गते सम्मका लागि आमहड्ताल स्थगित गरिएको विज्ञप्तीमा भनिएको छ ।
आमहड्ताललाई बद्नाम गराउने खेल भएको भन्दै आन्दोलनको स्वरुपमा परिवर्तन ल्याइएको उनीहरुको भनाई छ ।
नागरिक समाजले विज्ञप्ती जारी गर्दै असोज १५ गते साँझ ८ बजे एक घण्टा धनगढीमा ब्ल्याक आउट गर्ने जनाएको छ ।
वनमाफिया र भूमाफियालाई फाईदा पुग्ने गरि प्रदेशको राजधानी गोदावरीको जंगलमा राखेको भन्दै धनगढीमा आम हड्तालको घोषणा गरिएको थियो।
आइतबार आम हड्तालका कारण धनगढीको जनजिवन अस्तव्यस्त रहेको थियो ।
याे पनि पढ्नुहाेस्
१ . आईतवार पनि धनगढीमा आम हड्ताल
२ . धनगढी बन्द गराउँदै हिडेका कांग्रेसका कार्यकर्ता र अटोचालक पक्राउ
३ . अनिश्चितकालका लागि धनगढी बन्द
४ . प्रदेश ७ को राजधानी र नाम स्विकृत, असन्तुष्ट पक्षद्धारा अनिश्चितकालीन आम हड्ताल घोषणा