काठमाडौं : साप्ताहिक कारोबारको पहिलो दिन (आइतबार) नै दोहोरो अंकले ओरालो लागेको शेयर बजारले दोस्रो दिन (सोमबार) पनि सोही लय पछ्याएको छ ।
सोमबार शेयर बजार परिसूचक नेप्से नेप्से १६.१८ अंक अर्थात् १.४२ प्रतिशतले घटेर एक हजार १२३.८३ बिन्दुमा पुगेको छ । यस्तै ‘क’ वर्गका कम्पनीहरुको कारोबार मापन गर्ने सेन्सेटिभ परिसूचकसमेत १.४६ अर्थात् ३.६६ अंकले घटेर २४६.३५ बिन्दुमा पुगेको छ ।
नेप्से सोमबार दोहोरो अङ्कले घटे पनि आइतबारको तुलनामा कारोवार रकम भने बढेको छ । कूल १६९ कम्पनीको १२ लाख ४८ हजार ४०९ कित्ता शेयर रु ३४ करोड ३९ लाख १८ हजार २२१ मूल्यमा खरीद बिक्री भए । आइतबार कूल १६२ कम्पनीको शेयर रु २८ करोड ८० लाख ९९ हजार ९१२ बराबरको कारोवार भएको थियो ।
नेपाल स्टक एक्सचेन्जका अनुसार कारोबारका आधारमा सोमबार छिमेक लघुवित्त विकास बैंक शीर्ष स्थानमा रहेको छ । सो बैंकको १ करोड ८० लाख १९ हजार ९४५ रुपैयाँ बराबरको शेयर किनबेच भयो ।
यस्तै, नेपाल बैंक लिमिटेडको १ करोड ७९ लाख ८३ हजार ३ सय १६, सिटिजन बैंकको १ करोड ४९ लाख ४४ हजार १ सय ९५, एनआइसी एसिया बैंकको १ करोड १९ लाख ९५ हजार ४ सय ५५, सिद्धार्थ बैंकको १ करोड १९ लाख २७ हजार ७ सय ९५, नेपाल लाइफ इन्स्योरेन्स १ करोड १२ लाख ३७ हजार ३ सय ८७ र शिवम् सिमेन्टको शेयर ९७ लाख ७० हजार ५ सय ३८ रुपैयाँ बराबरको शेयर किनबेच भयो ।
सोमबार बजारमा साल्ट ट्रेडिङका लगानीकर्ताले ३.९८ प्रतिशतले कमाए । एनएमबी माइक्रोफाइनान्स वित्तीय संस्था २.९३, छ्याङदी हाइड्रोपावर २.५३, गणपति माइक्रोफाइनान्स वित्तीय संस्था २.४६ र सिर्जना फाइनान्सका लगानीकर्ताले २.०४ प्रतिशतले कमाए ।
त्यस्तै नेशनल लाइफ इन्स्योरेन्स कम्पनीका लगानीकर्ताले ७.०९, सिनर्जी पावर ६.०६, आइएमई जनरल इन्स्योरेन्स ५.७३, एनएलजी इन्स्योरेन्स ५.६७, युनियन हाइड्रोपावर ५.५५ र लुम्बिनी जनरल इन्स्योरेन्सका लगानीकर्ताले ५.४० प्रतिशतले गुमाए ।
