काठमाडौं : संविधानसभाबाट संविधान जारी भएको आज (शुक्रबार) चार वर्ष पूरा भएको छ ।
संविधान जारी भएको आजको दिनलाई संविधान दिवसका रुपमा मनाउँदै आइएको छ ।
सरकारले आजको दिनलाई राष्ट्रिय दिवसका रुपमा पनि मनाउँदै आएको छ ।
यसै अवसरमा संघीय राजधानी काठमाडौंसहित आज देशका सातै प्रदेशमा विभिन्न कार्यक्रमको आयोजना गरी दिवस मनाइँएको छ ।
दिवसका अवसरमा शुक्रबार संविधान दिवस मूल समारोह समितिले राजधानीको टूँडिखेलमा विशेष समारोहको आयोजना गरी मनाएको छ ।
४ वर्षअघि ०७२ असोज ३ गते संविधानसभाबाट संविधान जारी भएको थियो । तर, जारी संविधान सर्वस्वीकार्य हुन सकिरहेको छैन ।
संविधान जारी भएदेखि नै संविधान विभेदकारी भएको भन्दै मधेसवादी दल लगायत आदिवासी, जनजातिहरु रुष्ट छन् ।