काठमाडौं : अब पशुपतिनाथ मन्दिर दर्शन गर्न जानेहरुले आफ्ना बहुमुल्य सामान ‘लकर’मा सुरक्षित तरिकाले राख्न पाउने भएका छन् ।
पशुपति क्षेत्र विकास कोषले माछापुछे्र बैंकसँगको सहकार्यमा आइतबारदेखि लकर सेवा सुरु गरेको हो ।
पशुपति क्षेत्रमा आइतबार आयोजित कार्यक्रममा संस्कृति, पर्यटन तथा नागरिक उड्डयनमन्त्री रवीन्द्र अधिकारीले लकर सेवाको सुरुवाता गरेका हुन् ।
लकर सेवासँगै अब दर्शनार्थीहरुले मन्दिरभित्र प्रवेश गर्दा गरगहना मोबाइल नगदलगाइत बहुमूल्य सामग्री हराउने डरबाट मुक्ति पाउने विश्वास पशुपति विकास कोषले व्यक्त गरेको छ ।
कोषले अशक्तहरुलाई पशुपति दर्शनका लागि आइतबारदेखि नै विद्युतीय टेम्बोबाट निशुल्क यात्रु सेवा पनि सुरु गरेको छ ।
