बस्तीका बालबालिकालाई सहयोग हस्तान्तरण गर्दै युवा अभियन्ता सुमन प्रसाई ।
विराटनगर : मोरङ जहदा गाउँपालिका १ धुनीमा आर्थिक अवस्था कमजोर रहेका विपन्न परिवारका तीन बालबालिकालाई खाद्यान्न तथा लत्ताकपडा सहयोग गरिएको छ ।
विराटनगरका युवा तथा सामाजिक अभियन्ता सुमन प्रसाईले सोमबार सहयोग गरेका हुन् । प्रसाईले जहदा १ का अतिविपन्न रानी, नेहा र सुविना मुखियालाई सिरक, डसना, झुल, तन्दा, जाडोमा लगाउने ट्रयाकसुट तथा खाद्यान्य सहयोग गरे ।
साना बालिकाहरू मुटु काम्ने जाडोमा कष्टकर जीवन यापन गरेको जानकारी पाएपछि उनीहरूलाई सहयोग गरेको युवा व्यवसायी प्रसाईले बताए ।
