‘भीभीआईपी यौन काण्ड’: को हुन् यी महिला ?


काठमाडौं : प्रतिनिधिसभाका सभामुख कृष्णबहादुर महरामाथि दुर्व्यवहारको आरोप लगाउने महिला को हुन् ? भन्ने, चर्चाले अहिले बजार तताएको छ । हामी (द नेपालटप)ले यस विषयमा खोजबिन गरेका छौ ।

यो ‘भीभीआईपी यौन काण्ड’ चर्चित भएसँगै यो घटनामा जोडिएकी महिला स्वास्थ्य मन्त्रालय अन्तर्गत नर्स पदमा कार्यरत रहेपनि महराकै सहयोगमा संसद सचिवालयमा काजमा थिइन् । यी महिला हुन रोशनी शाही ।

महिला रोशनी शाही र महराबीचको सम्बन्ध २०४८ सालदेखि रहेको खुलेको छ ।

वन मन्त्री शक्तिबहादुर बस्नेतको गृह जिल्लावासी शाही भ्रष्टाचार विरोधी अभियानमा लागेका ज्ञानेन्द्र शाहीको नातेदार रहेको बताइएको छ ।

महरा र शाही पहिलादेखिनै घरमा आवतजावत गर्ने गर्दथे । एउटै पार्टीका भएका कारणले उनीहरुको सम्बन्ध राम्रो रहेको थियो । शाहीका श्रीमान कर्मचारी संगठनको नेता पनि रहेको बुझिएको छ ।

पटक–पटक शाहीको घरमा पुगेर महराले खानपिन गर्दै आएको पनि खुलेको छ । पारिवारिक जस्तै सम्बन्ध भएका शाही र महराबीच अहिले यो काण्ड कसरी हुन पुग्यो ? किन अहिले नै शाहीले महरामाथि यस्तो गम्भिर आरोप लगाउन पुगिन ? यो विषयले पूर्व माओवादी वृत्तभित्र हलचल ल्याएको छ । हलचलमात्र होइन जानकारहरु आश्चर्यमा परेका छन् । स्रोतका अनुसार महरा र शाहीबीच सुमधुर सम्बन्ध रही आएपनि पछिल्ला दिनहरुमा खटपट पर्दै आएको थियो ।

सभामुख महराले राजीनामा दिने

दशैंको पूर्वसन्ध्यामा शाहीले महरासँग केही माग राखेको बताइन्छ । नेपथ्यमा सरुवाको विषय भएको देखिएपनि भित्र चाहि अरुनै कुरा लुकेको स्रोतको दाबी छ ।

सदाजस्तै आइतबार साँझ महरा शाहीको घरमा पुगेका थिए । पहिलाजस्तै फोनमा कुरा गरेर राति ८ बजे पुगेका महरा करिब २ घण्टा शाहीको डेरामा बसेका थिए । शाहीका अनुसार डेरामा महराले विदेशी रक्सी समेत लिएर गएका थिए । प्रायः जसो वाइन रुचाउने शाहीले त्यसदिन महराको आग्रहमा हार्डड्रिङ्कस गरेकी थिइन् ।

शाहीको बेडरुममा बसेका उनीहरु ड्रिङ्कस गर्नु अगाडि शाहीले भान्सा कोठाबाट शुरुमा एउटा प्लेट र एउटा गिलास मात्र ल्याएकी थिइन् । प्लेटमा काजु राखिसकेपछि महराको आग्रहमा अर्को गिलास लिएर बेडरुमको ठूलो पलङमा बसेर दुवै जनाले चुस्कि लिएका थिए ।

स्न्याक्समा करु नभएपछि भान्सामा रहेका काक्रो काटेर ल्याइएको थियो । पिउनु अगाडि शाहीले नजिकैबाट मासु ल्याउन खोजेपनि महराले पर्दैन भनेका थिए । शुरुमा पिउन इन्कार गरेकी शाहीले पछि भने महरा बराबर पिएको बताइन्छ ।

प्रहरी स्रोतका अनुसार शुरुमा राम्रै कुराकानी आगाडि बढेपनि मदिरा लाग्दै गएपछि बिस्तारै विवाद बढ्दै गएको थियो । शाहीले डेरा दिएर बसेको घरमा छोराछोरी विदेश गएका दम्पतीहरु मात्र बस्छन् । पूरै फ्ल्याट लिएर त्यो घरमा शाही मात्र डेरमा बस्दै आएकी छन् । पछिल्लो पटक महरा जाँदा उनका श्रीमान त्यहाँ थिएनन् ।

पहिला राम्रा राम्रा कुराबाट शुरु भएको उनीहरुको कुराकानी नसा लाग्दै जान थालेपछि विवाद बढ्दै गएको प्रहरी स्रोतले बताएको छ । स्रोतका अनुसार नसा लाग्दै गएपछि शाहीले ठूलो–ठूलो स्वरमा महरालाई गाली गरेकी थिइन् । शाहीले आफूमाथि महराले जवरजस्ती यौन दुर्व्यवहार गरेको आरोप लगाएकी छन् भने महराले आफूमाथि षड्यन्त्र भएको बताएका छन् । शाही र महराबीच विवाद बढ्दै जाँदा हातहालाहालको स्थितिसम्म पुगेको थियो । यसक्रममा महराको चस्मा समेत फुटेको बताइन्छ ।

उता शाहीभने महराले आफूमाथि यौन दुर्व्यवहार गरेको बताउँदै आइतबार बेलुका आफ्नो डेरामा आउँदा मदिराले लठ्ठ परेको प्रहरीलाई बताएकी छन् । शाहीले महरालाई महरा सर भने सम्बोधन गर्ने गर्दथिइन् । तर, त्यसदिन कसरी यस्तो घटना हुन पुग्यो । यो आश्चर्यको विषय बनेको छ ।

शाही र महराबीच भेटघाटमात्र होइन फोन र भाइबरमा मिठामिठा कुराकानी समेत हुँदै आएको थियो । उनीहरुबीच पटक–पटक खानपिन कुराकानी हुँदै आएको बताइन्छ । शाहीले अहिले महराले आफूमागि निरन्तर यौन दुर्व्यवहार गर्दै आएको खुलासा गरेकी छन् । अहिलेसम्म किन सार्वजनिक गरिनन् त भन्ने प्रश्न पनि उठेको छ ।

यद्यपी उक्त घटनापछि शाहीले बानेश्वर प्रहरीसँगै उपसभामुख र नेकपाका महिला नेतृहरु घटनाबारे जानकारी गराएपनि आफूले सहयोग नपाएको गुनासो गरेकी छन् । अन्य कुराको खण्डन गरेपनि महराले आइतबार साँझ शाहीको डेरामा गएको कुरा स्वीकारेका छन् ।

प्रतिक्रिया दिनुहोस्
मुख्य समाचार

काठमाडौं : प्रतिनिधिसभाको कानुन, न्याय तथा मानवअधिकार समितिले एकल महिलाको भत्ता कटौती नगर्न सरकारलाई निर्देशन

काठमाडौं: राष्ट्रिय मानव अधिकार आयोगले सीमा क्षेत्रमा बसोबास गर्ने नेपाली नागरिकको मानव अधिकार संरक्षण गर्न

काठमाडौं : बुढानिलकण्ठ नगरपालिकाका कोरोना संक्रमण देखिएका व्यक्ति ‘निजी एम्बुलेन्स’ सञ्चालक भएको खुलेको छ ।

काठमाडौं : गोकर्णेश्वर नगरपालिका–७ शिवचोकस्थित सात घर सिल गरिएको छ । स्थानेश्वर मार्गमा बस्ने ३५

काठमाडौं : डा. गोविन्द केसीले दार्चुला जिल्लामा दुई दिने सत्याग्रह गर्ने घोषणा गरेका छन्।उनले सोमबार

काठमाडौं : वीरगञ्जको नेशनल मेडिकल कलेजमा मृत्यु भएका ७० वर्षीय वृद्धमा कोरोन संक्रमण भएको पुष्टि

काठमाडौं– सोमबार काठमाडौं उपत्यकासहित विभिन्न जिल्लामा थप ७२ जनामा कोरोना संक्रमण पुष्टि भएको छ ।

काठमाडौं– चितवनकी सेविका ढकाल महर्षि मार्कंडेय विश्वविद्यालयमा बीबीए गर्दै गर्दा इन्डोनेशिया एयरलान्गा विश्वविद्यालयको साथ आदानप्रदान

भक्तपुर– सामूहिक बलात्कार गरेको आरोपमा प्रहरी एक जनालाई पक्राउ गरेको छ । शुक्रबार २० वर्षकी

वीरगन्ज : एकैचौटी पर्साका १८ जना कोरोना भाइरसमुक्त भएका छन् । वीरगन्जस्थित नारायणी अस्पतालबाट डिस्चार्ज हुने

चितवन : कोरोना विशेष अस्पताल भरतपुरको आईसीयूमा एक बिरामीको मृत्यु भएको छ ।भरतपुर अस्पतालमा कोरोना

काठमाडाैं : नेपाली काँग्रेसका सभापति शेरबहादुर देउवाले इस्लाम धर्मावलम्वीको पवित्र पर्व इद उल फित्रका अवसरमा