निर्दयी बाबुः छोराछोरीलाई कहिले झुण्डाउने, कहिले गोरु बनाउने !


फोटो : नागरिक दैनिकबाट

सोलुखुम्बु : घटना सोलुखुम्बुको थुलुङ दुधकोशी गाउँपालिका ६ मुक्लिको हो। बाबु तिर्थ राईले मदिरा सेवन गरि आफ्ना तीन सन्तानलाई विना गल्ति नै कठोर यातना दिने गरेको खुलासा भएको छ। मदिरा सेवन गरेर लठ्ठ बनेका बाबुले गाउँले सुतेपछि मध्ये रातिमा सुतेका आफ्ना सन्तानलाई उठाएर कठोर यातना दिदै आएको बर्षौपछि ठूलो छोरी अपनाले वडा कार्यालयको साहारा मागिन्। त्यसपछि घटना बाहिर आएको हो।

चार सन्तानको जन्म दिएपछि कान्छो छोरो १० महिनाको हुँदा नै जन्म दिने आमा अर्केसँग भागिन्। आमाले छाडेपछि पनि बाबाले दुःखसुख गरेर मायाले पालनपोषण गरेको याद छ, ठूली छोरी अपनालाई। कान्छी फुपुले बाबाको दोस्रो विवाह गराईदिएपछि बाबुबाट आफ्ना सन्तानमाथि अनावश्यक कठोर भन्दा कठोर यातना शुरु भयो। छोरी अपना अहिले १५ बर्षकी भइन्। कान्छो भाई ९ बर्षको। सानिमाको कोखमा करिब एक बर्षको सानो बच्चा पनि छ।

‘मदिराले मातेर राती घर आउने बाबाले सुतिसकेको हामीलाई उठाएर दुवैहात पछाडि बाँधेर बेस्सरी कुट्नुहुन्थ्यो, हामी रुन्थ्यौ सुनिदिने कोही थिएन्। सानिमा चुपचाप बस्नुहुन्थ्यो। पटक पटक कुटाई खाएकी म सहन नसकेर घर छोडेर गाउँमै रहेको फुपुफुपाजुको घरमा गएर बसे।’ अपना थप्छिन्, ‘गाउँकै केटाहरुलाई समेत लगाएर म माथि हातपात भएको छ। बाबाले समेत यातना दिने क्रममा छातिमा धेरैपटक हात लगाउनुभएको छ। कुटाई त कति खाएँ खाएँ।’

गाउँकै स्कुलमा पढ्दै गरेकी अपनासंगै परिवार काठमाडौं पुग्यो। काठमाडौंमा पनि बाबा र सानिमाले खर्चमा हेरेनन्। आँशु धारा झार्दै अपना भन्छिन्, ‘अरुले दिनभरीमा बोक्न नसक्ने २५ भारी इट्टा मैले विहानै दुई घण्टामा बोकेर १५ सय पारिश्रमिक बुझेर भाइबहिनीको चाहनामा पुरा गर्थे। उनीहरुले लाउन चाहेको र खान चाहेको कुरा किनिदिन्थे। काम गरेर पनि स्कुल पढ्थे।’

उनीहरु गाउँ फर्केको केही महिना मात्र भयो। गाउँ फर्केपछि पनि उनी फुपुकै घरमा बस्छिन्। मुक्लिस्थित विरेन्द्रोदय माविमा कक्षा ७ मा पढ्ने उनी बाबाकै व्यवहारका कारण पढ्न सकेकी छैन्। ‘कक्षा कोठामा पनि बाबाकै व्यवहारलाई सम्झेर टोलाउँदो रैछु। सर, म्याडमले सोध्नुहुन्छ, यत्तिकै पुतली हेरेको भनेर टार्छु तर उहाँहरुले पत्याउनुहुन्न। मनको कुरा कस्लाई के था हो र?’ अपनाले भनिन्, ‘कान्छो भाईको ढाडमा कुटेर घाउ बनाएको दृश्यले बेस्सरी दुख्यो र मलाई लाग्यो, बाँच्न पाउने अधिकारको लागि बोल्नुपर्छ। त्यसपछि प्रहरीसँग पुगे। प्रहरीले निवेदन मागेपछि विद्यालयमा गएर पेपर मागेर गाउँमै निवेदन लेख्न लगाएर निवेदन दर्ता गरे।’

‘शुरुमा वडाअध्यक्ष फुर्तिमान तामाङले पत्याउनुभएको जस्तो लागेन। भाईलाई लिएर आउ भन्नुभयो। भाईको हालत देखेपछि बल्ल विश्वास लागेछ, उहाँलाई पनि। त्यसपछि गाउँमै छलफल भयो’, अपनाले भनिन्, ‘शुरु शुरुमा बाबाको इज्जत जाला भन्ने डरले नै बोलिन् तर पछि जसरी पनि बोल्नुपर्छ लाग्यो बोले।’ अहिले भाई संयोगको जिल्ला अस्पताल फाप्लुमा उपचार भइरहेको छ।

बाबाको कुटाई खादा पटक पटक बेहोस् बनेका संयोग दिदीको साथमा खुसी देखिन्थे। संयोगलले भने, ‘दाईलाई र मलाई जुवामा नारेर बारीमा डल्ला फुटाउने खोपमा आफू चढेर हामीलाई लौरीले कुट्नुहुन्थ्यो, हामीले तान्न सक्थेनौ, कुटाई खान्थ्यौ, रुन्थ्यौ, बस्थ्यौ।’ धेरैपटक उल्टो झुण्डाएर तलबाट खुर्सानीको धुँवा लगाएको दुखद भोगाई समेत संयोगले बताए। ‘फुपाजुकै घरमा खाना खाँदाखाँदै भागेका छौ। बाबाको डरले।’ अपनाले दुखेसो गरिन्।

ठूली छोरी अपनाको उजुरीपछि बाबालाई न्यायीक समितिमा बोलाएर छलफल गरिएको थियो। छलफलको क्रममा बाबाले गल्ती स्वीकारेको वडाअध्यक्ष फुर्तिमान तामाङले जानकारी गरिदिए। छोराको उपचार खर्च व्यहोर्ने, छाेरीहरुको खर्च पनि व्यहोर्ने गरि सहमति गरिएको तर गल्ती दोहोरिए कानुनी कारबाहीको प्रक्रिया अघि बढाउने अध्यक्ष तामाङको भनाई छ। ‘बालबच्चाको अधिकारको लागि हामी लड्छौं’, अध्यक्ष तामाङले भने।

जिल्ला अस्पतालमा भाईको उपचार गराईरहेकी अपना भन्छिन्, ‘अब बाबाको घर नर्फकने, के थाहा घटना बाहिर ल्याएको झोकमा हामी सबैलाई मारेर आफू मर्न पनि त सक्छ’, बलिन्द्रधारा आँशु झार्दै अपना थप्छिन्, ‘बरु म पढ्न छाडेर मजदुरी गरेर भए पनि भाई बहिनीलाई पढाउँछु। पछि त हेर्लान् नी!’

अहिले दिदीबहिनी फुपाजुको घरमा बस्दै आएका छन् भने एक भाई बाबा र सानिमासंगै छन्। यो खबर नागरिक दैनिकबाट लिइएको हो ।

प्रतिक्रिया दिनुहोस्
मुख्य समाचार

काठमाडौ : टर्कीमा जारी विश्वका कम्युनिस्ट पार्टीहरूको २१ औ सम्मेलनमा विश्वका कम्युनिष्टहरुले नेपाली कम्युनिष्टहरुले अवलम्वन

काठमाडौ : मुलुक संघीयतामा गएसँगै गुणस्तरहीन निजामित कर्मचारीको भार घटाउन कर्मचारीको कटौती गर्ने गृहकार्यमा जुटेको

म्यान्मा : राष्ट्रपति विद्यादेवी भण्डारी म्यान्माका राष्ट्रपति विन मिन्तको मैत्रीपूर्ण निमन्त्रणामा म्यान्माको राजकीय भ्रमण पूरा

काठमाडौं : राष्ट्रपति विद्यादेवी भण्डारी तथा नेपाली प्रतिनिधिमण्डलले आज यङ्गोनस्थित श्वेगादोन पेगोडाको अवलोकन गरेको छ

काठमाडौं : विनासेवासुविधा काम गर भन्ने आशयको संवैधानिक अदालतद्वारा जारी आदेश अनुचित भएको भन्दै प्रदेश

काठमाडौ : प्रधानमन्त्री केपी शर्मा ओलीले बहुप्रतिक्षित नागढुङ्गा–सिस्नेखोला सुरुमार्गको यही कात्तिक ४ गते उद्घाटन गर्ने

काठमाडौं : अमेरिका र नेपालबीच सन् २०१७ मा भएको ५० करोड डलर अनुदान सहायतासम्बन्धी मिलेनियम

विराटनगर : छ महीनादेखि माथि पाँच वर्षमुनिका बालबालिकालाई खुवाइने भिटामिन ‘ए’का लागि सबै तयारी भइसकेको

काठमाडौ : सर्वोच्च अदालतले स्थानीय तहका पदाधिकारीले लिइरहेको तलब र भत्तालाई गैरसंवैधानिक ठहर्‍याएपछि उनीहरुको सेवा

काठमाडौं : नेकपाका नेता तथा मन्त्रीहरु आत्महत्या दुरुत्साहनका आरोपी रवि लामिछानेसँगै ‘छ माया छपक्कै’को विशेष

काठमाडौं : गैरआवासीय नेपाली संघ (एनआरएन) को अध्यक्षमा कुमार पन्त विजयी भएका छन् । बिहीबार

काठमाडौं : आत्महत्या प्रकरणमा मुछिएका टेलिभिजन प्रस्तोता रवि लामिछानेविरुद्ध जिल्ला अदालत चितवनले गरेको आदेश यथावत