यस्तो थियो २३ वर्ष अघि राष्ट्रपति ज्याङ चेमिनको नेपाल भ्रमण


काठमाडौं : चिनियाँ राष्ट्रपति सी चिनफिङ नेपाल भ्रमण गर्नुहुने चीनको तेस्रो राष्ट्रपतिको रुपमा त्रिभुवन विमानस्थलमा अबको केही घण्टामा पाइला टेक्दै हुनुहुन्छ । २३ वर्षअघि चिनियाँ राष्ट्रपति ज्याङ चेमिनले दुई दिने नेपाल भ्रमण गर्नुभएको थियो । २३ वर्ष अघि चिनियाँ राष्ट्रप्रमुखको हैसियतमा चेमिनले गर्नुभएको नेपाल भ्रमणमा के के भएको थियो त ?

२०५३ मंसिर १९ गते चीनका तात्कालीन राष्ट्रपति ज्याङ चेमिन काठमाडौंस्थित त्रिभुवन विमानस्थलमा अवतरण गर्नुभएको थियो । चेमिनको सम्मानमा उहाँ अवतरण भएकै दिन मंसिर १९ गते नै रात्रीभोजको आयोजना गरिएको थियो ।

रात्री भोजमा चेमिनले शान्ति र स्थिरता कायम राख्न तथा दक्षिण एशिया र अन्तर्राष्ट्रिय मामिलामा सहयोग अभिवृद्धि गर्न नेपालले खेलेको भूमिका सकारात्मक भएको बताउनुभएको थियो । उहाँले नेपालले तात्कालीन अवस्थामा गरेको विकास र सुधारका कामको प्रशंसा गर्नुभएको थियो ।

तात्कालीन राष्ट्रपति चेमिनको भ्रमणको क्रममा नेपालले निजी क्षेत्रलाई संलग्न गराई व्यापार, पर्यटन तथा अन्य क्षेत्रमा संयुक्त लगानीको माध्यमबाट आर्थिक गतिविधिहरू बिस्तार गर्ने प्रस्ताव गरेको थियो । भ्रमणमा चीन र नेपालबीच तत्कालीन राजदरवार हाल नारायणहिटी संग्रहालयमा सम्झौतापत्रमा हस्ताक्षर गरिएको थियो ।

दुईदेशबीचको मैत्रीपूर्ण सम्बन्धको अभिवृद्धि तथा आर्थिक एवं प्राविधिक सहयोग बढाउन चीनले करीब ५६ करोड अनुदान सहयोग उपलब्ध गराउने सम्झौता पत्रमा हस्ताक्षर भएको थियो । सम्झौता पत्रमा नेपालको तर्फबाट तात्कालीन वाणिज्य मन्त्री फत्तेसिंह थारु र चीनको प्रतिनिधित्व गरी वैदेशिक व्यापार तथा आर्थिक सहायता सम्बन्धी मन्त्री ऊ यीले हस्ताक्षर गर्नुभएको थियो ।

उक्त अवसरमा तात्कालीन प्रधानमन्त्री शेर बहादुर देउवा, परराष्ट्रमन्त्री डा।प्रकाशचन्द्र लोहनी, विना विभागीय मन्त्री शरत्सिंह भण्डारी, चीनका लागि नेपाली राजदूत प्रा। युवराजसिंह प्रधान लगायतको उपस्थिति रहेको थियो ।

काठमाडौं महानगरपालिकाका तात्कालीन प्रमुख पी।एल। सिंहले राष्ट्रिय सभामा आयोजित कार्यक्रममा चिनियाँ राष्ट्रपति चेमिनलाई नगरको साँचो बुझाउनुभएको थियो ।

चिनियाँ राष्ट्रपति चेमिनले नेपालको तात्कालीन प्रधानमन्त्री शेरबहादुर देउवा र तात्कालीन विपक्षी दलका नेता मनमोहन अधिकारीसित भोलीपल्ट शिष्टाचार भेट गर्नुभएको थियो । भ्रमणमा आएको भोलिपल्ट बिहान चेमिन चीनका लागि प्रस्थान गर्नुभएको थियो ।

तात्कालीन राष्ट्रपति चेमिनसँगै भ्रमण दलमा जनवादी गणतन्त्र चीनका उपप्रधानमन्त्री तथा विदेशमन्त्री छियाङ्ग छि, नागरिक मामिला मन्त्री डुओजी कैराङक, वैदेशिक व्यापार तथा आर्थिक सहयोग सम्बन्धी मन्त्री सुश्री ऊ ची तथा स्वशासित क्षेत्र तिब्बतको जन सरकारका अध्यक्ष ग्याल्सेन नोर्बु सहभागी हुनुहुन्थ्यो । गोरखापत्रबाट

प्रतिक्रिया दिनुहोस्
मुख्य समाचार

काठमाडौं : देशभर अहिलेसम्म १ लाख ६९ हजार ६ सय ३२ जनामा कोरोना भाइरसको नमुना

काठमाडौं : नेपालमा कोरोना भाइरसको संक्रमण देखिएका थप एक जनाको मृत्यु भएको छ।भारतबाट नेपाल आउने

काठमाडौं : आज थप १७० जनामा कोरोना पुष्टि भएको छ। पछिल्लो २४ घन्टामा देशका विभिन्न

काठमाडौं: कोरोना भाइरस (कोभिड-१९) बाट विश्वभर मृत्यु हुने व्यक्तिको संख्या ३ लाख ६२ हजार ३६८

दार्चुला : दार्चुला जिल्लाको विकट हिमाली क्षेत्र व्यास गाउँपालिका–१ छाङरु (गागा) का जितबहादुर बोहराको बारीमा

काठमाडौं : बहराइनमा कोरोना संक्रमित एक नेपाली कामदारले क्वारेन्टाइनमा आत्महत्या गरेका छन् । ताप्लेजुङका ३८

काठमाडौं : नेपाली सेनाले भारतीय दुई सञ्चारमाध्यमा प्रकाशित समाचारप्रति गम्भीर ध्यानाकर्षण भएको बताएका छन् ।

काठमाडौं : काठमाडौं उपत्यकामा पनि कोरोनाभाइरस (कोभिड–१९)को संक्रमणको संख्या बढ्दै गइरहेको छ । तर, उपत्यकामै

काठमाडौं : अमेरिकाका राष्ट्रपति डोनाल्ड ट्रम्पले कोरोनाभाइरसलाई चीनले विश्वलाई दिएको सबभन्दा खराब उपहारको संज्ञा दिएका

चितवन : नवलपुरमा थप दुई जनामा कोरोना संक्रमण पुष्टि भएको छ । भारतको कोभिड–१९ प्रयोगशालामा

झापा : झापाका १५ पालिकामध्ये सबैभन्दा बढी कचनकवल गाउँपालिका नागरिकमा कोडिभ–१९ का सङ्क्रमण भटिएको छ

काठमाडौं : कोरोना संक्रमणका कारण मृत्यु भएका व्यक्तिको शव ल्याउँदा काठमाडौंको पशुपतिनाथस्थित शवदाह गृहमा ताल्चा