काठमाडौं : एभरेष्ट प्रिमियर लिग (ईपीएल)को फाइनल प्रवेशका लागि दोस्रो क्वालिफायर खेल आज हुँदैछ । टियु क्रिकेट मैदानमा हुने खेलमा काठमाडौं किङस इलाभेन र भैरहवा ग्ल्याडीयटर्स प्रतिस्पर्धा गर्दैछन् । काठमाडौं र भैरहवाबीचको खेल बिहान ११ः३० मा सुरु हुनेछ ।
दुवै टोली जित निकाल्दै शनिबार हुने फाइनलमा ललितपुर प्याट्रियट्ससंगको भेट पक्का गर्ने दाउमा छन् ।
ललितपुरले पहिलो क्वालिफायरमा काठमाडौंलाई १ विकेटले हराएर फाइनलमा पुगिसकेको छ । ललितपुरसंग पराजित भएपनि काठमाडौंले भने फाइनल प्रवेशको लागि पुनः दोस्रो क्वालिफायर खेल्ने मौका पाएको हो ।
साविक उपविजेता भैरहवाले इलिमिनेटरमा चितवन टाइगर्सलाई ४ विकेटले पराजित गर्दै दोस्रो क्वालिफायरमा स्थान बनाएको हो ।
