आफ्नो गाउँको सडक आफैँ मर्मत गर्दै खोटाङका युवा


फाइल फोटो

खोटाङ : अवरुद्ध सडक मर्मतमा स्थानीय सरकारलगायत कुनै पनि निकायले चासो नदेखाएपछि खोटाङ खार्मीका युवा आफैँ मर्मतमा जुटेका छन् ।

दिक्तेल रुपाकोट मझुवागढी नगरपालिका–११ खार्मीका युवा दिक्तेल–बाक्सिला सडकखण्डको सात किलोमिटर सडक मर्मतमा जुटेका हुन् ।

जिल्लाको उत्तरी क्षेत्रका स्थानीयवासीको व्यापारिक केन्द्र बाक्सिला जोड्ने सबैभन्दा छोटो रुटमा पर्ने उक्त सडकखण्डमा मोटरसाइकलसमेत सञ्चालन नहुनेगरी बिग्रिएपछि मर्मत शुरु गरिएको युवाको भनाइ छ ।

सो सडक मर्मतमा वडा, नगरलगायत कुनै पनि निकायले अहिलेसम्म चासो नदेखाएपछि स्थानीय युवाले गठन गरेको संस्था ‘सेवा साहारा युवा समाज’को पहलमा शनिबारदेखि मर्मत शुरु गरिएको हो ।

खार्मीको तल्लो भेग तुर्खा हुँदै बास्पानी र बाक्सिलासम्म पुग्ने छोटो रुटको उक्त सडक मर्मत तथा स्तरोन्नतिमा कुनै पनि निकायको ध्यान नपुगेकाले युवा शक्ति जुट्नुपरेको संस्थाका अध्यक्ष हेमन्त राईले बताउनुभयो ।

“साविक ९ नम्बर वडामा पर्ने तुर्खा, कुम्देल, बिखर्कु र लम्बाका युवा सडक मर्मतमा जुटेका छन्”, उहाँले भन्नुभयो, “करीब छ महीनादेखि अवरुद्ध सडक मर्मत गरेर साना सवारी साधन बाह्रै महीना सञ्चालन हुनेगरी मर्मत गर्ने काम भइरहेको छ ।”

नेपालीको प्रमुख चाड दशैँ तथा तिहार मनाउन विभिन्न स्थानबाट गाउँ आएका युवा सडक मर्मतमा जुटेका छन् । सडक मर्मतमा जुट्ने युवालाई स्थानीय समाजसेवी इखबहादुर राईले खाजाको व्यवस्थापन गरिदिनुभएको छ ।

तापखोलाबाट मर्मत शुरु गरिएको सडक साविकको वडा नं ७ स्थित कालिका मावि खार्मीसम्म पु¥याइने संस्थाले जनाएको छ । देशमा स्थानीयले नै गर्नसक्ने कामका लागिसमेत अरुको मुख ताक्ने प्रवृत्तिको अन्त्य हुनुपर्ने उनीहरुको धारणा छ ।

खार्मीसँगै जिल्लाको हरेक स्थानीय तहका युवा यतिखेर सामूहिक काममा व्यस्त छन् । दुई नगरपालिका र आठ गाउँपालिका गरी १० स्थानीय तह रहेको खोटाङ जिल्लामा चाडपर्वलाई लक्षित गरेर हरेक घरका एक÷एक जना स्थानीयवासी भेला भएर आफ्नो टोलमा भएका सामूहिक काम गर्ने प्रचलन छ ।

चाडपर्वको अवसर पारेर आवतजावत गर्ने पाहुनालाई लक्षित गरेर आफ्नो क्षेत्रको सडक, गोरेटोबाटो, धारा÷पँधेरा, मन्दिरलगायत सार्वजनिकस्थल मर्मत तथा सरसफाइ गर्ने चलन छ । जिल्लाका सबै ग्रामीण सडक कच्ची अवस्थामा रहेकाले वर्षाद्का कारण अवरुद्ध बनेपछि मर्मत गर्ने गरिएको हो । रासस

प्रतिक्रिया दिनुहोस्
मुख्य समाचार

काठमाडौं– जनता समाजवादी पार्टी निर्वाचन आयोगमा दर्ता भएको छ। राष्ट्रिय जनता पार्टी र समाजवादी पार्टी

पोखरा : गण्डकी प्रदेशमा थप २० जनामा कोरोना भाइरसको संक्रमण पुष्टि भएको छ । प्रदेश स्वास्थ्य

काठमाडौं– गएराति सिन्धुपाल्चोकको भोटेकोसी र अन्य साना नदिमा आएको बाढिले पु¥याएको जनधनको क्षतिप्रति नेपाली कांग्रेस

काठमाडौं : सांसद सरिता गिरीलाई समाजवादी पार्टीले कारवाही गरी पदबाट हटाएपछि उनको ठाउँमा लीला सिटौला

सिन्धुपाल्चोक : सिन्धुपाल्चोकको भोटेकोशी नदिमा आएको बाढीले बगाउँदा दुई जनाको मृत्यु भएको छ भने १८

काठमाडौं । प्रमुख प्रतिपक्षी नेपाली कांग्रेसका नेता गगन थापाले जिम्मेवारी पदमा बसेर उटपट्याङ कुरा गर्ने

काठमाडौंः सरिता गिरीलाई समाजवादी पार्टीले गरेको कारबाहीको पत्र संघीय संसद सचिवालयमा पुगेको छ । लिम्यिाधुरासहितको

काठमाडौंः प्रधानमन्त्री तथा नेकपा अध्यक्ष केपी शर्मा ओली र अर्का अध्यक्ष पुष्पकमल दाहाल ‘प्रचण्ड’ बीच

काठमाडौं : बुधबार काठमाडौं उपत्यकामा २३ जनामा कोरोना संक्रमित थपिएका छन् । स्वास्थ्य तथा जनसंख्या

काठमाडौं : पछिल्लो २४ घण्टामा नेपालमा थप २ सय ५५ जना कोरोना संक्रमित भएका छन्

धनगढीः सुदूरपश्चिम प्रदेश सरकारले आगामी आर्थिक वर्ष २०७७-७८ को वार्षिक बजेट पारित गर्ने तयारी गरेको

काठमाडौं : ‘प्रधानमन्त्रीज्यू, म थाकिसकेँ । मेरो सपना कसरी पूरा गरुँ, बाटो देखाइदिनु’ भन्दै बुधबार