दाङ : दाङमा शुक्रबार बेलुका भएको बस दुर्घटनामा मृत्यु हुनेको संख्या २३ पुगेको छ । ज्यान गुमाउनेमा ४ महिला र १९ पुरुष रहेका छन् ।
घटनास्थलमै २२ जनाको ज्यान गएको हो भने थप एकजनाको उपचारका क्रममा ज्यान गएको प्रहरीले जनाएको छ ।
अस्पतालमा मृत्यु हुनेमा जुम्लाका बिरेन्द्र कण्डारा रहेका छन् । दुर्घटनामा ज्यान गुमाउने मध्ये १४ जनाको सनाखत भएको छ ।
सनाखत भएकामध्ये जुम्लाका पाँच जना र दाङ्गका ५ जना रहेका छन । अरु विभिन्न जिल्लाका रहेका छन् ।
बसका चालक र सहचालक दुबैको मृत्यु भएको छ । सहिद कृष्ण सेन इच्छुक बहुप्राविधिक शिक्षालयबाट सल्यानमा अभ्यासका लागि गएका १६ देखि २० बर्ष उमेरका विद्यार्थीदेखि ३० बर्ष उमेर नकाटेका शिक्षक र चालक, सहचालकको समेत ज्यान गएको छ ।
सनाखत भएका मृतककाे नामावली
१. कुशुम रावल बर्ष १६ , जुम्ला, चन्दनाथ न.पा.
२. कबिता खत्री बर्ष २१, दाङ्ग बबई गाउँपलिाका ५
३. आतिस नेपाली बर्ष १७ , भेरीगंगा न.पा. ४ जाजरकोट
४. खेमराज भट्ट, बर्ष १७ , कञ्चनपुर , कृष्णनगर न.पा.–५
५. हिक्मत बोहरा बर्ष १७ , जुम्ला चन्दानाथ गा.पा.–३
६. प्रदिप घिमिरे बर्ष २८ दाङ्ग घोराही उ.म.पा.–१७
७. संजित रतगैया बर्ष २० , दाङ्ग दंगिशरण गा.पा.–१
८. बिरेन्द्र कडारा बर्ष २० , जुम्ला कान्कासुन्दरी गाउँपालिका–५
९. नरेश वली बर्ष २८ रुकुम भुमे गाउँपालिका–६
१०. वियय घर्ति ( जिएम ) बर्ष १९ , घोराई–१४
११. शैलाजा शाही बर्ष १७ , जुम्ला हिमा गा.पा.–५ ( चालक )
१२. मदन खत्री बर्ष २६ , घोराही–३ दाङ्ग ( चालक )
१३. अजुन शाही बर्ष १७ , जुम्ला चन्दनाथ न.पा.–१४
१४. गणेश बिक बर्ष १८, तुल्सीपुर–१८ दाङ्ग .( सह–चालक )