दाङ : तुलसीपुर नगरपालिका-३ मा भएको बस दुर्घटनामा परी मृत्यु भएका २३ जनाको सनाखत भएको छ। ईलाका प्रहरी कार्यालय तुलसीपुरका अनुसार दाङका ६ जना, जुम्लाका ११ जना, जाजरकोट, बाजुरा, बझाङ, कञ्चनपुर, डोल्पा र रुकुम पूर्वका १-१ जना गरी २३ जनाको मृत्यु भएको हो।
मृतकहरु
- गाडी चालक घोराही उपमहानगरपालिका ३ का मदन केसी
- सहचालक तुलसीपुर उपमहानगरपालिका १८ हेमन्पुरका गणेश बिक
- कृष्णसेन ईच्छुक पोलिटेक्निक ईन्स्टिच्युटका शिक्षकहरु घोराही १७ का प्रदीप घिमिरे
- भूमे गाउँपालिका ६ पूर्वी रुकुमका नरेश ओली
- जुम्लाको चन्दननाथ नगरपालिका ३ का अर्जुन शाही
- चन्दननाथ १० का बिपना खत्री
- चन्दननाथ १० का रुपेश शाही
- चन्दननाथ १४ का रितेन्द्र शाही
- चन्दननाथ ५ का देवीप्रसाद उपाध्याय
- चन्दननाथ ३ का हिक्मत बोहोरा
- चन्दननाथ ६ की कुसुम रावल
- हिमा गाउँपालिका ५ की सैलजा शाही
- तिला गाउँपालिका १ का जंगबहादुर बिक
- तिला ३ का रमेश उपाध्याय
- कन्कासुन्दरी गाउँपालिका ५ का वीरेन्द्र कन्डरा
- दाङको दंशिशरण गाउँपालिका १ का सञ्जित रत्गैया
- घोराही १४ का विजय जिएम
- बबई गाउँपालिका ५ की कविता खत्री
- जाजरकोटको खलंगा नगरपालिका ४ का आतिश नेपाली
- डोल्पाको गजदुल्ला गाउँपालिका ६ का गजेन्द्र एैडी
- कञ्चनपुरको कृष्णनगर नगरपालिका ५ का खेमराज भट्ट
- बझाङको जयपृथ्वी नगरपालिकाका महेश जोशी
- बाजुराको बुढीगंगा गाउँपालिका १० का लोकेन्द्र रावल
दुर्घटनामा परी घाइते भएका १२ जनालाई थप उपचारका लागि काठमाडौं ल्याउने तयारी गरिएको छ। अन्य २ जनाको कोहलपुरमा उपचार भइरहेको इलाका प्रहरी कार्यालय तुल्सीपुरका प्रमुख डिएसपी प्रेम शाहीले जानकारी दिए। दुर्घटनामा परी १४ जना घाइते भएका थिए।
घाइते र मृतक सबै घोराही १७ स्थित कृष्णसेन इच्छुक बहुप्राविधिक शिक्षालयका शिक्षक र विद्यार्थी हुन्। तुलसीपुर सल्यान सडक खण्डको तुलसीपुर उप-महानगरपालिका ३ राम्री भन्ने स्थानमा बस दुर्घटना भएको थियो। प्रहरीका अनुसार सडकबाट करिब ७ सय मिटर तल खसेको थियो।
बसमा शिक्षालयका ३२ जना विद्यार्थी, २ जना शिक्षक र ३ जना बसका स्टाफ गरी ३७ जना यात्रु रहेको प्रहरीले जनाएको छ।
