प्रदेश ५ मा विप्लवबारे छलफल, गण्डकी प्रदेशमा विस्फोट


रुपन्देही : मंसीर १४ गते सम्पन्न हुन गइररहेको उपनिर्वाचनलाई मध्यनजर गरी सुरक्षा व्यवस्थाका लागि प्रदेश सरकारले प्रदेशअन्तर्गत रहेका १२ वटै जिल्लाका प्रमुख जिल्ला अधिकारी र उच्च तहका सुरक्षा निकायका प्रमुखसहितको सुरक्षा गोष्ठीमा विप्लव समूहबारे छलफल भएपनि गण्डकी प्रदेशमा उम्मेदवारहरुले मनोनयन पत्र दर्ता गर्ने बेलामा विस्फोट गराइएको छ ।

उपनिर्वाचनसम्बन्धी प्रदेश सरकारले प्रदेशअन्तर्गत रहेका १२ वटै जिल्लाका प्रमुख जिल्ला अधिकारी र उच्च तहका सुरक्षा निकायका प्रमुखसहितको सुरक्षा गोष्ठी आज (बिहीबार) बुटवलमा सम्पन्न गरेको छ ।

उक्त सुरक्षा गोष्ठीमा नेत्रविक्रम चन्द विप्लवको नेतृत्वमा रहेको प्रतिवन्धित नेकपाबाट हुनसक्ने सम्भावित सुरक्षा चुनौतीलाई मूल एजेण्डाका रुपमा छलफल गरिएको बताइएको छ ।

प्रदेश नं. ५ प्रतिबन्धित विप्लव नेतृत्वको नेकपाको प्रभाव क्षेत्र भएकाले पनि आसन्न उपनिर्वाचनमा विप्लव समूहको सुरक्षा चुनौती हुन सक्ने समान धारणा सुरक्षा गोष्ठीमा सहभागी अधिकारीको रहेको छ । यसैका आधारमा गोष्ठीमा सुरक्षा रणनीति तय गरिएको पनि बताइएको छ ।

चुनावको अघिल्लो दिनसम्म भए पनि विप्लव समूहको गतिविधि निस्तेज पार्ने र चुनाव भयरहित वातावरणमा सम्पन्न गरिछाड्ने गोष्ठीमा सहभागीहरुको रहेको बताइएको छ । उक्त गोष्ठीमा सहभागी गृहमन्त्री रामबहादुर थापा बादलले विप्लव समूहले शान्तिपूर्ण व्यवस्था उल्ट्याउन चाहेकाले त्यसकोे सामना गर्ने सोच, तरिका र कार्यक्रमलाई पहिलो प्राथमिकतामा राख्न सुरक्षा निकायलाई निर्देशन दिएकाले प्रदेश नंं. ५ को सुरक्षा व्यवस्थालाई निकै चुनौतीपूर्ण रुपमा लिएको ठानिएको छ ।

गोष्ठीमा सिमावर्ती क्षेत्रमा हुने आपराधिक गतिविधि पनि यो निर्वाचनका अवसरमा बढ्नसक्ने र सुरक्षा चुनौतीका रुपमा देखा पर्नसक्ने स्थितिलाई पनि प्राथमिकताका साथ छलफल गरिएको बताइएको छ । १२ वटै जिल्लाका सुरक्षा अधिकारीहरुले पनि उपनिर्वाचनमा मुख्य खतरा विप्लव समूहबाटै भएको र अन्य चुनौती सामान्य रहेको रिपोर्टिङ गरेको बताइएको छ ।

कपिलवस्तु, दाङ, रोल्पा र रुकुमको भौगोलिक इलाकालाई विप्लव समूहको गतिविधिको केन्द्रको रुपमा व्याख्या गर्दै त्यस इलाकामा सुरक्षा मजबुत बनाउने रणनीति तय गरिएको स्रोतले बताएको छ । गोष्ठीले विप्लव समूहका गतिविधिलगायत शान्ति सुरक्षामा खलल पुर्याउने जस्तोसुकै कार्यलाई पनि रोक्ने गरी सोचिएको भन्दै चुनाव बहिस्कारमा लागेका वैद्य माओवादीलाई पनि सुरक्षा खतराका रुपमा इंगित गरिएको छ ।

‘विप्लव समूहसहित अन्य आपराधिक गतिविधिको डटेर सामना गर्ने गरी’ सुरक्षा रणनीति मजबुद बनाउन लागेको सुरक्षा निकायको दाबी रहेको छ । विप्लव नेकपाका उच्चस्तरीय नेता तथा कार्यकर्ता दाङबाटै गिरफ्तार हुनुले प्रदेश नं. ५ सुरक्षा निकायको पहिलो चुनौतीका रुपमा देखा परेको धेरैको अनुुमान छ । तर योसँगै सुरक्षा निकायको दावा के पनि रहेको छ भने केही नेता तथा कार्यकर्ताहरुले विप्लव समूह परित्याग गर्दै गइरहेका र सुरक्षाकर्मीले पनि एकपछि अर्को सफलता हासिल गर्दै गइरहेकाले विप्लव समूहको चुनौती मत्थर हुँदै गएको छ ।

यही कुरालाई बढी जोड दिँदै प्रदेश नं. ५ का आन्तरिक मामिला तथा कानुनमन्त्री कुलप्रसाद केसीले पत्रकार भेटघाटका क्रममा ‘परिवर्तन विरोधी गतिविधि भएमा यसको सामना सजिलैसँग गरिने’ दावा गरेका थिए । उनका अनुसार शुरुको चरणमा देखा परेको चन्दा आतंक हाल निस्तेज पारिए झै मंसिर १४ गते प्रदेशका नौ स्थानमा हुन गइरहेका उपनिर्वाचनमा आइपर्ने चुनौतीको नेस्तनाबुद गरिने छ ।

मन्त्री केसीले ‘चार घेराको शान्ति सुरक्षाको व्यवस्था गरेको’ भन्दै प्रदेश र संघका बीचमा समन्वय र सहकार्यलाई बढावा दिने कुरा पनि बताए । संघ र प्रादेशिक सुरक्षा निकायबीच सहकार्यमा मात्र जोड दिने मन्त्री केसीलाई गोष्ठीमा सहभागी प्रमुख जिल्ला अधिकारीहरुले जिल्ला र प्रदेशको समन्वय र सहकार्यमा पनि उत्तिकै जिम्मेवार हुन अनुरोध गरेका थिए ।

कात्तिक १८ र १९ गते सम्पन्न उक्त दुई दिने सुरक्षा गोष्ठीमा संघीय सरकारका गृहमन्त्री रामबहादुर थापा बादल, मुख्यमन्त्री शंकर पोखरेल, प्रदेशका आन्तरिक मामिला तथा कानुन मन्त्री कुलप्रसाद केसी र उच्च स्तरीय सुरक्षा निकायका प्रमुखहरुको सहभागिता रहेको थियो । गृहमन्त्री, प्रदेशका मुख्यमन्त्री, मन्त्रीसहित नेपाल प्रहरीका महानिरीक्षक, सशस्त्र प्रहरी महानिरीक्षक, राष्ट्रिय अनुसन्धान निर्देशक र पृतनापति सहभागी रहेको सुरक्षा गोष्ठी सकेर बाहिरिँदै गर्दा बजारमा विप्लव समूहको पर्चा छ्यापछ्याप्ती वितरण गरिएका थिए ।

प्रतिक्रिया दिनुहोस्
मुख्य समाचार

काठमाडौं– राष्ट्रियसभाको विधायन व्यवस्थापन समितिले निर्वाचन प्रणालीलाई सुधार गर्न निर्वाचन ऐन परिमार्जनको काम अगाडी बढाउने

काठमाडौं– शिक्षा क्षेत्रमा भएका भूकम्पपछिका पुनर्निर्माण प्रयासहरुबारे तयार पारिएको सीबीआरआई परियोजना वेबसाइटको भारतीय राजदूत विनय

काठमाडौं– नेपाल कानून समाजले भ्रष्टाचार नियन्त्रणका लागि निर्वाचन प्रणाली र राजनीतिक संस्कार सुधार हुनु आवश्यक

गुल्मी : इस्मा गाउँपालिका –२ हस्तीचौर, रातचौर, स्यालाको पहिरोमा पुरिएर दुई जनाको मृत्यु भएको छ

काठमाडौँ : निजामती कर्मचारीहरूको आधिकारिक ट्रेड युनियनको निर्वाचन स्थगित भएको छ । प्रधानमन्त्री निवास बालुवाटारमा

काभ्रे : जिल्लामा कोरोना संक्रमणबाट थप एक जनाको मृत्यु भएको छ । पनौती नगरपालिका–५ चौकोटकी

काठमाडौं : नेपाल प्रहरीका ४८८ जना प्रहरी निरीक्षकहरुको सरुवा भएको छ । प्रहरी महानिरीक्षक शैलेश

काठमाडौं । पूर्वप्रधानमन्त्री डा. बाबुराम भट्टराईले चीनबाट आयात गर्न लागिएका सामान लामो समयदेखि सीमामै रोकिँदा

चितवन : चितवनमा थप २३ जनामा कोरोना संक्रमण पुष्टि भएको छ । भरतपुर अस्पतालको कोभिड

राष्ट्रसङ्घलाई सुदृढ र सशक्त बहुपक्षीयताको केन्द्र बनाउनुपर्नेमा प्रधानमन्त्री ओलीको जोड प्रधानमन्त्री केपी शर्मा ओलीले विश्वले

काठमाडौं : रोयल च्यालेन्जर्स बेङ्गलोरले इन्डियन प्रिमियर लिग (आईपीएल) २०२० मा विजयी सुरुवात गरेको छ

काठमाडौं– सांसदहरुले बालबालिका शिक्षाको नाममा काठमाडौंमा डलर खेतिको धन्दा चलिरहेको बताएका छन् । प्रतिनिधिसभाको महिला