२ नम्बर प्रदेशमा गुपचुप गुप्तचर खटाउने यस्तो छ योजना


जनकपुर : संघीय सरकारले प्रादेशिक सरकारहरुको सुरक्षा निकायसम्बन्धी आवश्यक कानुन निर्माण गरी प्रदेश सरकारकहाँ नपठाउँदै प्रदेश नं. २ ले प्रदेशको आफ्नै प्रदेशस्तरीय अनुसन्धान व्युरो निर्माण गर्ने विधेयक ल्याएको छ । यो प्रदेश सभाबाट पारित हुन बाँकी रहे पनि यो विधेयक ल्याउनुको पछाडिको नियतमाथि थुप्रै प्रश्न खडा हुन पुगेका छन् ।

यसभन्दा अघि प्रदेशको प्रहरीसम्बन्धी विधेयक पारित गरिसकेको प्रदेश नं. २ ले आफ्नै अनुसन्धान ब्यूरो निर्माणका लागि गठन गर्न विधेयक ल्याएपछि संघीय सरकार आत्तिन पुगेको छ । तर यसैबीच प्रदेश नं. २ का आन्तरिक मामिला तथा कानुनमन्त्री ज्ञानेन्द्र यादवले अनुसन्धान व्युरो निर्माण पनि संविधानप्रदत्त अधिकारबमोजिम नै भएकाले कोही पनि सशंकित हुन जरुरी नभएको प्रष्टिकरण दिएका छन् ।

तर संघीय सरकारका प्रवक्ताले भने आवश्यक कानुन संघीय तहबाट नबन्दै प्रदेशले निर्माण गर्नु गलत हुने बताएका छन् । उनका अनुसार यदि प्रदेशमा निर्मित कानुन संघले दिएको कानुनसँग बाझ्न गएमा त्यो स्वतः खारेज हुने छ ।

कतिपय कानुनविदहरुले संघीय सरकारले ढिला गर्दै जाँदा प्रदेश त्यसका लागि कुरेर बस्नुपर्ने स्थिति सिर्जना हुन गई व्यवधान खडा भएको कुरा पनि स्वीकार गर्छन् । त्यसै गरी कतिपयले प्रदेश नं. २ ले देखाउनकै लागि भए पनि यसो गरेको भनी टिप्पणी गर्न पछि पर्दैनन् ।

जेहोस् तापनि प्रदेश नं. २ को यो पछिल्लो कामले फेरि संघीय सरकार र प्रदेशबीच अर्को फाटो ल्याउने काम गरेको छ । स्मरणीय छ, यस अघि बनाइएको प्रहरी विधेयक व्यवहारमा लागू हुन सकेको छैन ।

कार्य व्यवस्था समितिबाट पारित भएर कानुन मन्त्रालयमा आइसकेको यो विधेयक प्रदेश सभामा दर्ता हुने क्रममा छ । यो पारित भएपछि प्रदेश अनुसन्धान ब्यूरोले सङ्घमा राष्ट्रिय अनुसन्धान ब्यूरोले गर्ने प्रकृतिकै काम गर्ने बताइएको छ ।

पूर्व गृहमन्त्री श्रीकान्त रेग्मीका अनुसार संघले संविधानतः त्यससम्बन्धी अधिकार प्रदान गर्न ढिलाइ गरिरहेको अवस्थामा अरू प्रदेशभन्दा अगाडि बढेको देखाउन यसो गरेको हुनसक्छ । उनले प्रदेश अनुसन्धान ब्यूरो कामकाजी हुनका लागि पहिले प्रदेश प्रहरी गठन आवश्यक रहेको बताएका छन् ।

प्रतिक्रिया दिनुहोस्
मुख्य समाचार

काठमाडौं : बुढानिलकण्ठ नगरपालिकाका कोरोना संक्रमण देखिएका व्यक्ति ‘निजी एम्बुलेन्स’ सञ्चालक भएको खुलेको छ ।

काठमाडौं : डा. गोविन्द केसीले दार्चुला जिल्लामा दुई दिने सत्याग्रह गर्ने घोषणा गरेका छन्।उनले सोमबार

काठमाडौं : वीरगञ्जको नेशनल मेडिकल कलेजमा मृत्यु भएका ७० वर्षीय वृद्धमा कोरोन संक्रमण भएको पुष्टि

काठमाडौं– सोमबार काठमाडौं उपत्यकासहित विभिन्न जिल्लामा थप ७२ जनामा कोरोना संक्रमण पुष्टि भएको छ ।

काठमाडौं– चितवनकी सेविका ढकाल महर्षि मार्कंडेय विश्वविद्यालयमा बीबीए गर्दै गर्दा इन्डोनेशिया एयरलान्गा विश्वविद्यालयको साथ आदानप्रदान

भक्तपुर– सामूहिक बलात्कार गरेको आरोपमा प्रहरी एक जनालाई पक्राउ गरेको छ । शुक्रबार २० वर्षकी

वीरगन्ज : एकैचौटी पर्साका १८ जना कोरोना भाइरसमुक्त भएका छन् । वीरगन्जस्थित नारायणी अस्पतालबाट डिस्चार्ज हुने

चितवन : कोरोना विशेष अस्पताल भरतपुरको आईसीयूमा एक बिरामीको मृत्यु भएको छ ।भरतपुर अस्पतालमा कोरोना

काठमाडाैं : नेपाली काँग्रेसका सभापति शेरबहादुर देउवाले इस्लाम धर्मावलम्वीको पवित्र पर्व इद उल फित्रका अवसरमा

जनकपुरधाम– महोत्तरीको जलेश्वर नगरपालिकास्थित एक क्वारेन्टाइनमा आरडिटी परिक्षण गर्दा एकै परिवारका ३ जनाको रिपोर्ट पोजेटिभ

वीरगन्ज– वीरगन्जको नारायणी अस्पतालमा उपचारत कोरोना संक्रमितको लगातार रिपोर्ट निगेटिभ आएपछी एकै परिवारका ७ महिलासहित

काठमाडाैं : प्रधानमन्त्री केपी शर्मा ओलीले विश्वव्यापी महामारीका रुपमा फैलिएको कोभिड–१९ को प्रकोपबाट बच्न विशेष