‘भ्रष्टाचारविरुद्ध शून्य सहनशीलता ’


कास्की : कास्की निर्वाचन क्षेत्र नं २ मा आगामी मङ्सिर १४ गते हुने प्रतिनिधिसभा सदस्य उपनिर्वाचनका उम्मेदवारले भ्रष्टाचारका विरुद्ध आफूहरुको शून्य सहनशीलता रहने प्रतिबद्धता जनाएका छन् ।

नेपाल पत्रकार महासङ्घको आयोजना गरेको ‘प्रतिनिधिसभा उपनिर्वाचन उम्मेदवार संवाद’ कार्यक्रममा प्रमुख चार दल सत्तारुढ नेपाल कम्युनिष्ट पार्टी (नेकपा), नेपाली काङ्ग्रेस, समाजवादी र साझा पार्टीका उम्मेदवारले विधि, कानूनको पालना गर्ने र भ्रष्टाचारबाट टाढा रहने भनाइ राखेका हुन् ।

नेकपा उम्मेदवार विद्या भट्टराईले गलत आचरण र व्यवहार भ्रष्टाचार र आफ्नो जीवन खुला किताब जस्तै रहेको बताउँदै कानून बाहेकका व्यवहार नगर्ने स्पष्ट पारे । विगतको पृष्ठभूमि र आजको परिस्थतिका कारणले आफू निर्वाचनमा होमिएको बताउँदै उनले लोकतन्त्रलाई मजबुत बनाउँदै जनताप्रति उत्तरदायी बन्दै जाने बताए ।

काङ्ग्रेस उम्मेदवार खेमराज पौडेलले आत्म विकास र स्वार्थमा पदको प्रयोग गर्नु भ्रष्टाचार भएको चर्चा गर्दै राजनीतिक व्यक्ति भ्रष्टाचारबाट मुक्त हुँदा मात्र प्रशासनलगायतका अन्य क्षेत्रको अनियमितता रोकिने बताए ।

पौडेलले राष्ट्रियता र लोकतन्त्रको रक्षाका लागि आफू उम्मेदवार बनेको चर्चा गर्दै जनताको राजनीतिप्रतिको वितृष्णा हटाउन र जनतामा गरेको प्रतिबद्धता पूरा गर्नु आफ्नो प्रमुख जिम्मेवारी रहेको उल्लेख गरे । समावादीका उम्मेदवार धर्मराज गुरुङले विसं २०४७ यता सार्वजनिक पदमा बसेका व्यक्तिहरुको सम्पत्ति छानबिन गर्नुपर्ने बताए ।

आफू कहिल्यै पनि कसैको प्रलोभनमा नपरी जनताको सेवामा लाग्ने भनाइ उनको थियो । साझाका उम्मेदवार रजनी केसीले नीतिगत भ्रष्टाचार रोक्नुपर्नेमा जोड दिँदै भ्रष्टाचारले सुशासनलाई अवरोध गरेको भनाइ राखे ।

महासङ्घका महासचिव रमेश विष्टले निर्वाचनमा होमिएका उम्मेदवारका प्रतिबद्धतालाई एकै थलोबाट जनतामा पु-याउने उद्देश्यसहित पहिलो पटक कार्यक्रम आयोजना गरिएको बताए । रासस

प्रतिक्रिया दिनुहोस्
मुख्य समाचार

काठमाडौं : नेपालमा मंगलबार थप ३ सय १६ जनामा कोरोना संक्रमण देखिएको छ । स्वास्थ्य

काठमाडौं : त्रिवि शिक्षण अस्पताल महाराजगञ्जमा उपचाररत ४५ दिने शिशुमा कोरोना संक्रमण पुष्टि भएको छ

काठमाडौं : कोरोनाभाइरस (कोभिड–१९)का कारण विदेशमा १ सय ३० जना नेपाली नागरिकले ज्यान गुमाएका छन्

हेटौंडा : मकवानपुर जिल्लास्तरीय मानवअधिकार अवस्था अनुगमन समितिका संयोजक तथा गैरसरकारी संस्था महासंघ मकवानपुरका अध्यक्ष

काठमाडौं : लकडाउन उल्लंघन गरेको भन्दै महानगरी ट्राफिक प्रहरी महाशाखाले काठमाडौं उपत्यकाका विभिन्न स्थानबाट ३

काठमाडौं : कोरोना महामारी नियन्त्रण तथा रोकथामका लागि सरकारले जारी गरेको लकडाउनका कारण लामो समयदेखि

पोखरा : गण्डकी प्रदेशमा मंगलबार बिहान थप १७ जनामा कोरोना संक्रमण पुष्टि भएको छ ।

काठमाडौं: यौनशोषणको आरोपमा युट्युवर अर्जुन शिवाकोटी पक्राउ परेका छन् । महानगरीय अपराध महाशाखाबाट खटिएको प्रहरी

काठमाडौं : सोमबार काठमाडौं उपत्यकामा थप ८ जनामा कोरोना संक्रमण पुष्टि भएको छ । स्वास्थ्य

काठमाडौं : कोभिड–१९ र लकडाउन पछि नेपाली श्रमजीवी पत्रकार, कर्मचारी र कामदारको पेशागत सुरक्षा अत्यन्तै

काठमाडौं : नेपालमा सोमबार ४ सय ७६ जनामा कोरोना संक्रमण पुष्टि भएको छ । स्वास्थ्य

कपिलवस्तु : प्रदेश ५ को कपिलवस्तुमा सलह किराको नयाँ झुन्ड देखिएको छ । सोमबार दिउँसो