गौर काण्ड बल्झिने डरले गर्दा समाजवादी पार्टीले सरकार नछोड्ने


काठमाडौं : सरकार छाड्ने वा नछाड्ने भन्ने विषयलाई लिएर समाजवादी पार्टीका अध्यक्ष तथा वर्तमान उपप्रधान तथा स्वास्थ्य मन्त्री उपेन्द्र यादव र संघीय परिषद्का अध्यक्ष डा. बाबुराम भट्टराईका बीचमा सीमारेखा फराकिलो हुँदै गएको छ । संविधान संशोधनको एक मात्र एजेण्डा लिएर सरकारमा सहभागी भएका यादव सरकार नछाड्ने मनस्थितिमा छन् । उता भट्टराई भने कुनै पनि हालतमा सरकारमा बस्न नहुने अडानमा रहेका छन् ।

२०६२/०६३ को आन्दोलनपछि विभिन्न धारामा विभाजित मधेसवादी पार्टीहरु सत्ताभन्दा बाहिर कहिल्यै पनि बसेका छैनन् । एउटा बस्ने र अर्को बाहिरिने वा सबै बस्ने गरिरहेकै छन् । यस्तो विरासत बोकेका मधेशवादी पार्टीहरुमध्ये हाल उपेन्द्र यादवको नेतृत्वमा रहेको संघीय समाजवादी पार्टी बाहिरतिर मुख फर्काएर सरकारमा बसिरहेको छ ।

हाल चलिरहेको यो पार्टीको केन्द्रीय समितिको वैठकमा सरकार छाड्ने कि बस्ने भन्ने मुख्य एजेण्डा नै बन्न गएको छ । सरकारमा पनि बसिरहने र संविधान पनि मान्दैनौ भनेर भ्रम दिएर जनतालाई पनि अल्मल्याइरहने गरिरहेको संघीय समाजवादी पार्टी हाल दुवै हातमा लड्डु परेको ठानिरहेको छ ।

बाबुरामको नयाँ शक्ति नामको पार्टीलाई पचाइदिएका यादव अहिले पार्टीको अध्यक्ष पनि छन् र सरकारका उपप्रधानमन्त्री पनि । उनी पार्टी र सरकार दुवैतिर सन्तुलन मिलाएर अघि बढिरहेका देखिन्छन् । पछिल्लो चरणमा आफै सहभागी भएको दुईतिहाई बहुमतको सरकारले केही स्थायित्व र कानुनी राजको आभाष दिन थालेपछि गौर हत्याकाण्डको नेतृत्व गरेका यादवका लागि परिस्थिति झनपछि झन् सकसपूर्ण हुँदै गएको छ ।

संविधान संशोधन हुने होइन, त्यसैले उनी सरकारमा टाँसिइरहनुको कुनै अर्थ र औचित्य नै छैन । अर्कोतिर सरकारमा नबस्ने हो भने गौर हत्याकाण्डको विषय छाबिनको दायरामा परिसकेको छ । गौरकै अर्को केस मोहमद अफताव आलमको नेतृत्वमा घटेको राजपुर फरहदवाको घटनाले उनलाई अत्याएको छ । आफू जेलतिर लागेर बाबुरामलाई पार्टी कसरी बुझाउने भन्ने बिलखबन्दमा देखिन्छन्, उनी ।

पार्टीका नेता तथा कार्यकर्ताहरु संविधान संशोधनको कामभन्दा पनि आफूले सत्ताको मोज लिन रमाएको भन्दै उपेन्द्र यादवको सातो लिन थालेका छन् । उनकै विश्वासपात्र नेतृ रेणु यादव पनि उनीमाथि जाइलागेकी छिन् । पार्टीभित्रको आन्तरिक आलोचना सबै बाहिरिन थालेको छ । उता अर्का अध्यक्ष बाबुराम भट्टराई तात्कालिन नयाँ शक्ति र फोरमको बीचमा एकता हुँदाका बखत संविधान संशोधन नभए सरकार छाड्ने भनी गरेको प्रतिवद्धतालाई हतियार बनाएर यादवको टाउकोमाथि प्रहार गरिरहेका छन् ।

यो आन्तरिक कलहले संघीय समाजवादी पार्टी थिलथिलो हुन पुगेको छ । पछिल्लो केन्द्रीय समितिको वैठकबाट संविधान संशोधनको सम्झौता कार्यान्वयनका लागि अन्तिम अल्मिेटम दिएपछि मात्र सरकार छाड्छौं भन्ने निष्कर्षमा यो पार्टी पुगेको छ ।

प्रतिक्रिया दिनुहोस्
मुख्य समाचार

काठमाडौं– शुक्रबार नेपालमा कोरोनाभाइरसका १ सय १८ जना संक्रमित थपिएका छन्। योसँगै कोरोना संक्रमितको संख्या

काठमाडौं– लगातार वर्षाका कारण सप्तकोसी नदीमा पानीको बहाव बढेको छ । शुक्रबार बिहानसम्म सप्तकोसी ब्यारेज भएर

काठमाडौं : सत्तारुढ नेपाल कम्युनिष्ट पार्टी (नेकपा)को स्थायी कमिटी बैठक एक साताको लागि स्थगित भएको छ

काठमाडौं : कोभिड–१९ को सङ्क्रमण रोकथामका लागि लागू गरिएको बन्दाबन्दीमा महिला तथा बालिकामाथि हुने हिंसाका घटनामा

काठमाडौंः नेपाल यातायात व्यवसायी राष्ट्रिय महासंघले यातायात संचालनको बारेमा बैठकपछि मात्र आधिकारिक धारणा दिने भएको

काठमाडौंः राष्ट्रिय मानव अधिकार आयोगका सदस्य मोहना अन्सारीले सरिता गिरीको कारवाहीप्रति टिप्पणी गरेकोमा आयोगले आपत्ति

काठमाडौं– नेपालमा बिहीबार १ सय ८ जना कोरोना संक्रमित थपिएका छन् ।योसँगै कोरोना संक्रमितको संख्या

काठमाडौं– जनता समाजवादी पार्टी निर्वाचन आयोगमा दर्ता भएको छ। राष्ट्रिय जनता पार्टी र समाजवादी पार्टी

पोखरा : गण्डकी प्रदेशमा थप २० जनामा कोरोना भाइरसको संक्रमण पुष्टि भएको छ । प्रदेश स्वास्थ्य

काठमाडौं– गएराति सिन्धुपाल्चोकको भोटेकोसी र अन्य साना नदिमा आएको बाढिले पु¥याएको जनधनको क्षतिप्रति नेपाली कांग्रेस

काठमाडौं : सांसद सरिता गिरीलाई समाजवादी पार्टीले कारवाही गरी पदबाट हटाएपछि उनको ठाउँमा लीला सिटौला

सिन्धुपाल्चोक : सिन्धुपाल्चोकको भोटेकोशी नदिमा आएको बाढीले बगाउँदा दुई जनाको मृत्यु भएको छ भने १८