चितवन : चेपाङ जातिको उत्थानमा लागेको चेपाङ अभियन्ता केपी किरण शर्मा सम्मानित भएका छन् ।
उनलाई आज शनिबार नेपाल चेपाङ संघको प्रदेश ३ को पहिलो अधिवेशनको अवसर पारेर सम्मान गरिएको हो । उनलाई कार्यक्रमका प्रमुख अतिथि प्रदेश ३ का आन्तरिक मामिला तथा कानुन मंत्री सालिकराम जमर कट्टेलले प्रंसापत्रसहित सम्मान गरेको हो ।
शर्माले अहिले चितवनमा चेपाङ संरक्षण केन्द्र नामक संस्था खोली चेपाङ वालवालिकालाई शिक्षा दिईरहेका छन् भने चेपाङ जातिको जीवनलाई नजिकबाट नियाल्दै आएका छ ।
सम्मानपछि उनले आफूलाई यो सम्मानले अझै हौसला बढाएको बताएका छन् । यस्तै सम्मान पछि उनले नेपाल चेपाङ संघप्रति आभार पनि प्रकट गरेका छन् ।
यसैबीच आज चिवनमा नेपाल चेपाङ संघको प्रदेश ३ को पहिलो अधिवेशन हुँदैछ । यस कार्यक्रमलाई प्रदेश ३ का आन्तरिक मामिला तथा कानुन मंत्री जमरकट्टेलले उद्घाटन गरेका थिए ।
मन्त्री जमरकट्टेलले कार्यक्रममा चेपाङ जातिको पहिचानको रुपमा रहेको ढ्याङग्रो बजाएर उदघाटन गरेका थिए । कार्यक्रममा पूर्वसांसद गोविन्दराम चेपाङ, प्रदेश ३ का प्रदेशसभासदस्य सन्तबहादुर चेपाङ, नेपाल चेपाङ संघका पूर्वमहासचिव सन्तबहादुर चेपाङ लगायतको उपस्थिति रहेको छ ।
