‘अनागरिक’ बनाउने प्रपञ्चविरुद्ध नेपाली भाषीद्वारा दिल्लीमा विरोध प्रदर्शन


काठमाडौं : भारतको आसामसहित पूर्वोत्तरका नेपाली भाषीहरुले नयाँ नागरिक विधेयक तथा राष्ट्रिय नागरिक रजिष्टरले आफूहरुलाई अनागरिक बनाउन लागेको भन्दै त्यसको विरोध गरिरहेका छन् । प्रदेश हुँदै विरोधको सिलसिलामा आसामी नेपाली नागरिकहरु विहीवार दिल्ली पुगेरसमेत विरोध प्रदर्शन गरेका छन् । भारत सरकारले नयाँ नागरिकता विधेयक र राष्ट्रिय नागरिक रजिस्टर (एनआरसी) लागू गरी भारतमा रहेकाहरुलाई आफू भारतीय नागरिक भएको प्रमाण पेश गर्न भनेपछि यो समस्या सिर्जना भएको हो ।

पहिले रासन कार्ड तथा भोटर लिष्ट जस्ता प्रमाणहरु भए भारतीय नागरिक मानेर नागरिक सरह अधिकारहरु उपयोग गर्न दिइरहेको भारत हाल भारतीय जनता पार्टीको सरकार निर्माण भएपछि नागरिकताको विषयलाई लिएर निकै कडाइ गरिरहेको छ ।

पछिल्लो चरणमा विशेष गरी बांगलादेशसँग सीमा जोडिएको क्षेत्रमा दिल्लीले निकै कडाइ गरिरहेको छ । भारतीय नागरिक र बांगलादेशी नागरिक छुट्याउने बहानामा बनाएको नयाँ नागरिकता विधेयक र राष्ट्रिय नागरिक रजिष्टरले नेपाली भाषी भारतीयहरुलाई निकै दुःख दिइरहेको छ ।

लाखौं नेपालीहरु यसको मारमा परेपछि उनीहरु दिल्लीमा विरोध प्रदर्शन गर्न पुगेका हुन् । उनीहरुको भनाइ छ– ‘हामी हाम्रो माटोमा जिइरहेका छौं । यो भूगोल भारत अन्तर्गत रहेका नेपाली भाषीहरुको हो । हामी हाम्रै भूमिमा अनागरिक हुन तयार छैनौ ।’

पछिल्लो चरणमा अखिल आसाम गोर्खा छात्र संघ (आग्सु)को आयोजनामा पूर्वोत्तर भारतका नेपाली भाषीले दिल्लीमा धर्ना र विरोध प्रदर्शन गरेका छन् । उनीहरुको माग छ, गत अगस्ट अन्तिम साता सार्वजनिक भएको एनआरसीको अन्तिम सूचीमा छुटेका करिब एक लाख नेपाली भाषीलाई समेटी आदिवासीको दर्जा दिनुपर्छ ।

आफ्ना जायज मागहरुको सम्बोधनका लागि निरन्तर शान्तिपूर्ण विरोध प्रदर्शनमा रहेका नेपालीहरु राज्य सरकारलाई यी समस्याहरु दर्जनौपटक सुनाउँदा पनि नसुनेपछि उनीहरुलाई दिल्ली नै पुग्नुपर्ने बाध्यता आइलागेको हो ।

हाल आफ्ना हकअधिकारको मागमा आसाम गोर्खा सम्मेलन भारतीय गोर्खा परिसङ्घ, आसाम गोर्खा सम्मेलन, नेपाली साहित्य सभाजस्ता संगठनका साथै त्यहाँ क्रियाशील १३ वटा नेपाली भाषी तथा जातजातिसँग सम्बन्धित संस्था एकताबद्ध भएर लागिपरेका छन् ।

दिल्लीमा गरिएको धर्ना र विरोध प्रदर्शनका साथै नेपाली भाषी आसामीहरुले केन्द्रीय गृहमन्त्री अमित शाहलाई पनि भेटेर आफ्ना मागहरुको सम्बोधनका लागि अनुरोध गरेका छन् ।

प्रतिक्रिया दिनुहोस्
मुख्य समाचार

काठमाडौंः कोरोना संक्रमणको कारण रोकिएको लोकसेवा आयोगको परीक्षा दशैं लगत्तै शुरु हुने भएको छ ।

कैलाली– विश्व रामसार सूचीमा सूचिकृत कैलालीको घोडाघोडी ताल क्षेत्रमा पछिल्लो समय पर्यटन प्रवद्र्धन हुन थालेको

काठमाडौं : धरानको बिपी कोइराला स्वास्थ्य विज्ञान प्रतिष्ठानमा थप दुई जना कोरोना संक्रमितको मृत्यु भएको

काठमाडौंः गृहमन्त्री रामबहादुर थापा ‘बादल’ छाङ्गरुमा सशस्त्र प्रहरीको गुल्म शिलान्यास गर्न दार्चुला गएका छन् ।

स्याङ्जा । पहिरोमा पुरिएर ज्यान गुमाएका नौ जनाको रामनदी धाम (राम्दी) मा बिहीबार साँझ सामूहिक

इन्डियन प्रिमियर लिग (आईपीएल) अन्तर्गत गएराति सम्पन्न खेलमा किंग्स इलेभेन पञ्जाबका सामू रोयल च्यालेन्जर बंगलोर

काठमाडौं : देशभर केही दिनयता परिरहेको झरी भोलि शनिबारदेखि कमजोर हुने देखिएको छ। बंगालको खाडीबाट

काठमाडौं : वैज्ञानिक वन व्यवस्थापन कार्यक्रमका नाममा व्यापक अनियमितता, भ्रष्टाचार र किर्ते गर्ने काम भएको

काठमाडौं– सांसदहरुले कोरोना भाइरसको विषयमा तथ्यगत जानकारी भन्दा भ्रमहरु बढी फैलिएकाले जनतामा आतंक सिर्जना भएको

काठमाडौं : सार्वजनिक पदमा बहाल रहेका व्यक्तिले सम्पत्ति विवरण सार्वजनिक नगर्ने क्रम बढेपछि अख्तियारले कडा

धरान : बीपी कोइराला स्वास्थ्य विज्ञान प्रतिष्ठानमा पीसीआर परीक्षण बन्द भएको छ । संघीय सरकार

काठमाडौं– नेपाल–चीन सीमा प्रश्नमा सरकारले हतारो टिप्पणी गरेको नेपाली कांग्रेसले जनाएको छ। स्थलगत अध्ययनको धारणा