निर्मला हत्याकाण्ड र नेपालमा बढ्दाे महिला हि‌ंसाबारे अमेरिकी पत्रिकाकाे ध्यानाकर्षण



काठमाडाैं : कञ्जनपुरकी १३ वर्षीया किशोरी निर्मला पन्तको बलात्कारपछि गरिएको हत्याको विषय अन्तर्राष्ट्रियकरण भएको छ । 

 

अमेरिकाको राजधानी वाशिङटनबाट निस्कने प्रभावशाली दैनिक द वासिङ्गटन पाेसट्की अमान्डा एरिकसनले बुधबार निर्मला हत्याकाण्ड र नेपाल सरकारले अश्लील सामग्रीमाथि लगाएको प्रतिबन्धका विषयमा फिचर लेखेकी छन् ।

 

निर्मलाको हत्या भएको केही समयपछि अर्की एक १० वर्षे बालिकालाई बलात्कारपछि पाँच जना पुरुषले घाँटी थिचेर गरेकाे हत्या,  दुई दिदीबहिनी सम्झना र सुस्मिता दासमाथि छिमेकीले एसिड आक्रमण गरेको घटना पनि उनले फिचरमा उल्लेख गरेकी छन् ।

 

महिलाविरुद्धको हिंसा लगातार हुँदै गएपछि नेपाल स्तब्ध भएको र देशभरि विरोध तथा थप जवाफदेहिताका लागि आह्वान गरिएको एरिकसन लेख्छिन् । तर सरकारले यसका लागि अर्कै किसिमको समाधान अर्थात पाेर्नग्राफमा लगाएकाे प्रतिबन्धले लेखेकी छन् । 

 

तर आलोचकहरूले यो प्रतिबन्ध मूल मुद्दाबाट ध्यान भड्काउने प्रयास मात्र भएको बताएका छन् ।

 

‘बलात्कारीहरूलाई अभियोजन गर्न अक्षम सरकारले आफ्नो कमजोरी लुकाउन यो घोषणा गरेको हो,’ इन्टरनेट सोसाइटीकी शुभा कायस्थ बताउँछिन् । ‘यौन हिंसालाई सम्बोधन गर्न थप सही दृष्टिकोण भनेको मानिसलाई सशक्तीकरण गर्नु हो र यौन अपराधका पीडकलाई दण्डित गर्नु हो ।’

 

अभियन्ता र महिला समूहहरूले प्रहरीको थप सक्रियता तथा शिक्षामा जोड दिएका छन् । तर चिन्ताको विषय भनेको स्थानीय प्रहरी विभागहरू पीडितलाई भन्दा पनि पीडकलाई जोगाउन लागिपरेका छन् । 

 

निर्मलाको हत्यामा प्रहरीको क्रियाकलाप चिन्ताको विषय भएको अधिवक्ताहरूको भनाइ छ । अभियन्ताहरू वास्तविक हत्याराको पहिचान लुकाउन प्रहरी नै लागिपरेको र सुस्त मनस्थितिको व्यक्तिमाथि झूटो अभियोग लगाएको बताउँछन् । 

 

निर्मलाको मुद्दामा प्रहरीले गलत अनुसन्धान गरेको भनी राजधानी काठमाडौं र देशका अन्य शहरमा विरोध प्रदर्शन भइरहेका छन् । हजारौं मानिसले निर्मलाका लागि न्याय माग्दै सडकमा प्रदर्शन गरेका छन् । आन्दोलनका क्रममा प्ररहीको गोली लागी एक किशोरको मृत्यु समेत भइसकेको फीचरमा लेखिएको छ । 

 

विगत तीन वर्षमा बलात्कार तथा हिंसाका घटना ह्वात्तै बढेको तथ्यांकले देखाउने एरिकसन लेखेकी छन् ।

प्रतिक्रिया दिनुहोस्
मुख्य समाचार

काठमाडौंः सरकारले असोज ८ र १२ गते बसेको मन्त्रिपरिषद् बैठकका निर्णयहरू सार्वजनिक गरेको छ ।

धरानः धरान उपमहानगरपालिका-२ की कोरोना संक्रमित महिलाको उपचारको क्रममा आज (सोमबार) मृत्यु भएको छ ।

काठमाडौं : १६ वर्ष मुनिका बालिका बलात्कार गरी हत्या गर्ने घटनाविरुद्धका कानुनी प्रावधानमा कडाइ पार्नका

काठमाडौं : यातायता व्यवस्था विभागले असोज २० गतेबाट दशैंको अग्रिम टिकट बुकिङ खुलाउन प्रस्ताव गरेको

काठमाडौं– संघीय संसदमा प्रतिनिधित्व गर्ने महिला सांसदहरुले संविधान संशोधन गरेर १६ वर्ष मुनिका बालिकालाई बलात्कार

काठमाडौंः प्रधानमन्त्री एवंं नेकपा अध्यक्ष केपी शर्मा ओली र अर्का अध्यक्ष पुष्पकमल दाहाल ‘प्रचण्ड’बीच मन्त्रिपरिषद

काठमाडौं : संघीय संसदमा प्रतिनिधित्व गर्ने सबै राजनीतिक दलका महिला सांसदहरुले १६ वर्षभन्दा मुनिका बालिकालाई

काठमाडौं : नेपाल कम्युनिष्ट पार्टी (नेकपा)का अध्यक्षद्वय केपी शर्मा ओली र पुष्पकमल दाहालबीच भेटवार्ता हुँदैछ

काठमाडौं : जल तथा मौसम पूर्वानुमान महाशाखाले आज देशभरको मौसममा सामान्यदेखि आंशिक बदली रहने जनाएको

काठमाडौं । इन्डियन प्रिमियर लिग (आइपीएल) क्रिकेटमा राजस्थान रोयल्सले कीर्तिमानी जीत हात पारेको छ ।

काठमाडौं– घरेलु श्रमिकका रुपमा खाडी मुलुकमा जाने कामदारहरुको अवस्था पारदर्शी बनाउँदै पासपोर्ट आफ्नो साथमा राख्ने

काठमाडौं : सरकारले पीसीआर परीक्षण गराउँदै आएका प्रयोगशालालाई कोरोना रिपोर्ट आफैं दिन निर्देशन दिएको छ