रियल मड्रिड भिल्लारियालसँग बराबरीमा रोकियो



एजेन्सी : स्पेनिस ला लिगा फुटबलअ्रन्तर्गत गएराति भएको खेलमा रियल मड्रिड भिल्लारियालसँग बराबरीमा रोकिएको छ । रियलले भिल्लारियालसँग २–२ गोलको बराबरी खेलेको हो । 

खेलको चौथो मिनेटमा स्यासान्टी कार्जोलाले गोल गर्दै खेलमा सुरुवाती अग्रता दिलाएका थिए । तर, भिल्लारियालको त्यो अग्रता लामो समय टिकेन । सातौ मिनेटमा करिम बेन्जेमाले बराबरी गोल फर्काएका थिए ।

२०औं मिनेटमा राफेल भरानले हेडमार्फत गोल गरेपछि रियलले खेलमा २–१ को अग्रता बनाएको थियो । ८२औं मिनेटमा सान्टी कार्जोलाले दोस्रो गोल गर्दै खेललाई २–२ को बराबरीमा ल्याए । त्यसपछि थप गोल हुन सकेन र खेल बराबरीमा सकियो ।

बराबीपछि रियल १७ खेलबाट ३० अंक जोडेर चौथो स्थानमा यथावत रहँदा भिल्लारियाल १७ खेलबाट १६ अंक जोडेर रेलिगेसन जोनबाट एक स्थान माथि रहेको छ । बार्सिलोना ३७ अंकसहित शीर्षस्थानमा रहेको छ । एट्लेटिको ३४ अंकसहित दोस्रो तथा सेभिल्ला ३२ अंक जोडेर तेस्रो स्थानमा रहेको छ ।

प्रतिक्रिया दिनुहोस्