वीरगन्ज : सशस्त्र प्रहरी बल राजस्व तथा भन्सार गस्ती टोली वीरगन्जले आइतबार लागूऔषधसहित एकजना युवकलाई पक्राउ गरेको छ ।
सशस्त्र प्रहरीले काभ्रेको पनौती नगरपालिका ५ का २४ वर्षीय रामकृष्ण राउतलाई लागूऔषध नाइट्रोपाइम ट्याबलेटसहित पक्राउ गरेको हो ।
सीमावर्ती सहर भारतको रक्सौलबाट राउतले १० एमजीका ३ सय ५ पिस लागूऔषध नाइट्रोपाइम ट्याबलेट खरिद गरी ल्याइरहेको अवस्थामा भसार गेटअगाडिबाट राउत पक्राउ गरेको सशस्त्र प्रहरी निरीक्षक पदमबहादुर खड्काले बताए ।
लागूऔषध शरीरमा बाँधी लुकाई ल्याइरहेको अवस्थामा राउतलाई प्रकाउ गरेको प्रहरीले जनाएको छ । आवश्यक कारबाहीका लागि राउतलाई लागूऔषधसहित जिल्ला प्रहरी कार्यालय पर्सामा पठाइएको प्रहरी निरीक्षक खड्काले बताए ।