जनकपुरधाम : नेकपाका नेता माधव कुमार नेपालले विपक्षीले अनावश्यक विषय उठाएर सरकारलाई बदनाम गर्न खोजेको बताएका छन् ।
आइतबार जनकपुरमा नेकपाले आयोजना गरेको कार्यकर्ता भेटघाट कार्यक्रमलाई सम्बोधन गर्दै उनले सरकारले राम्रो काम गर्दै जनताको मन जितिरहेको हेर्न नसकेर विरोधीहरूले अधिनायकवादको दुष्प्रचार गरेको दाबी गरे ।
नेता नेपालले वर्तमान सरकारको लोकप्रियता देख्न नसकेर प्रमुख प्रतिपक्षी दल कांग्रेसले सरकारको विरोध गरिरहेको बताए । नेपालले दुष्प्रचारबाट बच्न र सरकारले गरेका कामको प्रचार गर्न पनि कार्यकर्तालाई आग्रह गरे ।
