कैलाली : सुदूरपश्चिमका पहाडी जिल्लामा गए राति देखी हिमपात भएको छ । सुदूरपश्चिमका दार्चुला, बैतडी, डडेल्धुरा बझाङ लगायतका जिल्लाका उच्च लेकाली र हिमाली क्षेत्रमा हिमपात भएको हो ।
कर्णाली प्रदेशका हिमाली जिल्लामा पनि आइतबार रातिदेखि नै हिमपात भइरहेको छ । जाजरकोट, माथिल्लो डोल्पा, जुम्ला, कालिकोट, हुम्ला, मुगुलगायतका जिल्लामा हिमपात भएको हो । हिमपातसँगै चिसो बढेको छ ।
हिमपातले बढेको चिसोका कारण जनजीवन प्रभावित भएको छ ।
हिमपातले चिसो बढे पनि तरकारी, गहुँलगायतका बालीलाई भने राहत भएको स्थानीयले बताएका छन् । सिँचाइ सुविधा नभएको ठाउँमा हिमपात भएसँगै अन्न उत्पादन राम्रो हुने गर्दछ ।
हिमपातले घरका छाना सेताम्मे भएका छन् ।