सीमा क्षेत्रमा हुने अवैध क्रियाकलाप नियन्त्रण गर्न सशस्त्र सक्रिय


लुम्बीनी : सीमा क्षेत्रमा हुने अवैध क्रियाकलाप नियन्त्रणमा सशस्त्र प्रहरीबल सक्रिय देखिएको छ ।

सशस्त्र प्रहरी बल २७ नम्बर गण रुपन्देहीका गणपति प्रहरी उपरीक्षक तेजप्रसाद पोख्रेलका अनुसार सीमा अपराध नियन्त्रणमा जिल्लाका चार विओपी, पाँच वेश र तीन गुल्ममा रहेका पाँचसय सशस्त्र प्रहरीका अधिकृत तथा जवान २४सैंँ घण्टा तयारी अवस्थामा रहेका छन् ।

उनले भने,“सीमा अपराध, चोरीपैठारी नियन्त्रणमा हामी अलर्ट अवस्थामा छौं ।” सशस्त्र प्रहरीले सीमामा हुने अवैध क्रियाकलाप रोक्न सक्रियता देखाएसँगै हप्ता दिनमै लाखौं मूल्यको सामान बरामद गरेको छ । विओपी पजरकट्टिले मङ्गलबार राति रु नौ लाख ८२ हजार १५० बराबरको कपडा बरामद गरेको छ ।

पजरकट्टिका रेशम रोक्काको कमाण्डमा खटिएको मोबाइल टोलीले रोहिणी गाउँपालिका–२ मैनिहवाबाट १० बोरा कपडा बरामद गरेको सशस्त्र प्रहरी निरीक्षक सुशीलबाबु पन्तले बताउनुभयो । बरामद कपडामा लामा ज्याकेट ११ थान, जाकेट १३१ थान, स्वीटर ११५ थान, पाइन्ट २८ थान, सर्ट २० थानलगायत छन् ।

यस्तै सशस्त्र प्रहरी बल नेपाल नं ३८ गुल्म राजश्व भन्सार सुरक्षागस्तीको टोलीले पनि पिबी ११ ए डब्लु २८९९ नंको भारतीय नम्बर प्लेटको फोर्ड ब्राण्डको कारसहित मोटरपार्टसका सामान बरामद गरी भैरहवा भन्सार कार्यालय बेलहियामा बुझाइएको जनाएको छ । राजस्व भन्सार सुरक्षा गस्तीले बरामद गरेको कार भन्सार मूल्यअनुसार रु ११ लाख १३ हजार रहेको छ ।

यसैगरी गुल्म २७ नम्बरबाट खटिएको टोलीले सिद्धार्थनगर नगरपालिका–६ गल्लामण्डी इलाकामा जाँच गर्ने क्रममा भारतबाट अवैध रुपमा भन्सार छली चोरी पैठारी गरी लु १ च ७१६८ नं को बलेरो सिगल पिकअप प्राइभेट गाडीमा नेपालतर्फ ल्याइँदै गरेको विभिन्न हार्डवयरका सामान बरामद गरेको छ ।

गाडी चालक २२ वर्षीय भोला निसादसहित रु नौ लाख २४ हजार छ सय बराबरको समान भन्सार पठाएको छ । भारतबाट अवैध रुपमा भन्सार छलि ल्याउँदै गरेको बुलेट मोटरसाइकलमा प्रयोग हुने २०० लिटर ९१० कार्टुन० मोबिल रु एक लाख ४०० बराबरको बरामद गरी भन्सार कार्यालयमा दाखिला गरिएको छ । –रासस

प्रतिक्रिया दिनुहोस्
मुख्य समाचार

काठमाडौं : शिक्षा, विज्ञान तथा प्रविधि मन्त्रालयले आउँदो असार १ गतेबाट पठन शुरु गर्न संघ,

काठमाडौं : नेपालका ७७ जिल्लामध्ये ५७ जिल्लामा कोरोना भाइरस फैलिएको छ । आजसम्म ५७ जिल्लामा

काठमाडौं : देशभर अहिलेसम्म १ लाख ८१ हजार ४ सय ८३ जनामा कोरोना भाइरसको नमुना

काठमाडौं : योगेन्द्र सिलवाल झापाको एम्बुलेन्स चालक हुन् । सरकारले कोरोनाभाइरस (कोभिड–१९) को विश्वव्यापी महामारीसँग

काठमाडौं– समाजवादी पार्टीका अध्यक्ष तथा पूर्व प्रधानमन्त्री डा.बाबुराम भट्टराईले सबैलाई आफ्ना नाम थर परिवर्तन गर्न

जनकपुरधाम– प्रदेश नम्बर २ मा थप ६० जनामा कोरोना संक्रमण पुष्टी भएको छ । रौतहटमा

काठमाडौं : महानगरीय प्रहरी वृत्त कालिमाटीमा कार्यरत २ सय ३१ जनाको कोरोना रिपोर्ट नेगेटिभ आएको

काठमाडौं : राष्ट्रिय मानव अधिकार आयोगको टोली ६ जनाको ज्यान जानेगरी रुकुम पश्चिमको सोतीमा भएको

बझाङ : बाजुराको सदरमुकाम मार्तडीस्थित जिल्ला अस्पतालको आइसोलेसनमा राखिएकी बालिका २ वर्षीय बालिकाको मृत्यु भएको

पोखरा : गण्डकी प्रदेशमा आज तीन जनामा कोरोना संक्रमण देखिएको छ । गण्डकी प्रदेशका स्याङ्जा

काठमाडौं– सांसद सूर्य प्रसाद पाठकले सदनमा मृत्यु दण्डको माग उठाएका छन् । आइतबारको प्रतिनिधिसभा बैठकको

काठमाडौं : काठमाडौंको बूढानीलकण्ठ नगरपालिकाका दुई जना व्यक्ति कोरोना जितेर घर फर्किएका छन् । सर्लाही,