मापदण्ड विपरीत मासु पसल


सुर्खेत : वीरेन्द्रनगर नगरपालिका सुर्खेतका अधिकांश मासु पसल मापदण्ड विपरीत सञ्चालनमा रहेको पाइएको छ । नगरपालिकाको नेतृत्वमा आज गरिएको संयुक्त बजार अनुगमनको क्रममा यहाँको खोर्केलाइन, समावेशी चोक जुम्ला रोड, गण्डकी लाइन र हटिया क्षेत्रमा सञ्चालित मासु पसल नियम विपरीत सञ्चालनमा रहेको पाइएको हो ।

वीरेन्द्रनगर–६ कर्णाली मासु पसल ४ स्थित मास्की मासु पसल, भ्याली स्वच्छ मासु पसल र वी.न.पा.३ गण्डकीलाइनस्थित भेरी बङ्गुर तथा राँगा मासु पसल मापदण्ड विपरीत सञ्चालन रहेको नगरपालिकाका योजना तथा वातावरण शाखाका वरिष्ठ अधिकृत प्रकाश पौडेलले बताए ।

“मासु पसल सञ्चालनमा छन् तर धेरैले दर्ता विना नै सञ्चालन गरेको पाईयो,” अधिकृत पौडेलले भन्नुभयो, “दर्ता भएका पसल व्यवसायीले नवीकरणसमेत गरेका छैनन् ।” ढक तराजु व्यवस्थित नगरेको, मासु पसल नै दुर्गन्धित रहेको, कुहिएको मासु बिक्रीमा राखेको, मूल्यसूची नटाँसेको अवस्थामा पसल सञ्चालनमा रहेको अनुगमन टोलीले भेटाएको उनले जनाए ।

उनका अनुसार अनुगमन क्रममा मापदण्ड विपरीत पसल सञ्चालन गर्ने व्यवसायीलाई तीनदिन भित्र व्यावसायिक प्रमाणपत्रसहित कार्यालयमा उपस्थित हुन निर्देशन दिइएको छ । खाद्य प्रविधि तथा गुण नियन्त्रण डिभिजन कार्यालय सुर्खेतका निमित्त कार्यालय प्रमुख भेषबहादुर थापाले मानव स्वास्थ्यमा खेलवाड गर्नेलाई कानूनी कारवाही हुने चेतावनी दिए ।

नगर पशु विकास अधिकृत यज्ञ पाण्डे मासु तथा मासुजन्य पदार्थको तौल, स्वच्छता र उपभोक्ता अधिकारलाई ध्यानमा राखेर व्यापार व्यवसाय गर्न सञ्चालकलाई सुझाए । पहिलो पटक व्यवसायीलाई सचेतना भएको जनाउँदै उनले आगामी दिनमा गल्ती दोहो-याए कानूनी कारवाही हुने बताए । अनुगमनमा जिल्ला प्रशासन कार्यालयका नायब सुब्बा यामबहादुर अधिकारी, नगर प्रहरी इञ्चार्ज मिनबहादुर विष्ट, नगर निरीक्षक टंक आचार्य, उद्योग वाणिज्य सङ्घका प्रतिनिधि जनकबहादुर थापा तथा राष्ट्रिय उपभोक्ता मञ्चका प्रतिनिधिको सहभागिता थियो । रासस

प्रतिक्रिया दिनुहोस्
मुख्य समाचार

काठमाडौं : अध्ययनका लागि अस्ट्रेलिया गएकी एक नेपालीको अस्ट्रेलियामा मृत्यु भएको छ । ललितपुर साना

एजेन्सी : कोरोनाभाइरसविरुद्धको भ्यासिन भारतमा बनेको छ । पुनेस्थित सेरम इन्सिटिच्युट अफ इन्डिया र अमेरिकाको

झापा : आफैँले पढाएको विद्यालयका विद्यार्थीमाथि कुदृष्टि मात्र नलगाई यौनदुव्र्यवहार गर्ने शिक्षक पक्राउ परेका छन्

हेटौँडा : ठूलो परिमाणमा कृषि उपजहरुको उत्पादन गर्नेगरी चक्लाबन्दी खेती गर्ने किसानलाई वाग्मती प्रदेश सरकारले

एजेन्सी : भारतीय गायिका सुस्मिताले आइतबार राति आत्महत्या गरेकी छन्। आत्महत्या गर्नुअघि उनले ह्वाट्स एपबाट

काठमाडौं : आज (मंगलबार) देशका पूर्वी पहाडी भूभागका एक–दुई स्थानमा हल्का वर्षाको सम्भावना रहेको जल

काठमाडौं : पूर्वसभामुख कृष्णबहादुर महरा झण्डै पाँच महिनाको कारागार बसाइपछि आज घर फर्किएका छन ।

काठमाडौं : कोरोना भाइरसको संक्रमण भएको आशंकामा एक जना अस्पताल भर्ना भएका छन् । कोरोना

काठमाडौं : एसीसी ईस्टर्न रिजन पुरुष टी–ट्वान्टी कप क्रिकेटको खेल तालिका सार्वजनिक भएको छ। एसियन

काठमाडौं : चीनको वुहान प्रान्तबाट शुरु भएको कोरोनाभाइरसबाट आज (सोमबार)मात्र १ सय ५ जनाको मृत्यु

काठमाडौं : नेपाली राष्ट्रिय टोलीले फागुन १८ गतेदेखि बन्द प्रशिक्षण सुरु हुने भएको छ ।

जनकपुरधाम : जनकपुरमा महिलामाथि सामूहिक बलात्कार भएको छ । जनकपुरधाममा आज (सोमबार) बिहान एक महिलामाथि