कक्षा कोठामा छाता ओढेर पढ्न बाध्य विद्यार्थी


रोल्पा : चिसो र पानी परिरहेको मौसममा कक्षा कोठाभित्र विद्यार्थी छाता ओढेर बसिरहेका थिए भने शिक्षक पनि छाता ओढेरै पढाइरहेका थिए। पूरानो तथा जीर्ण भवनमा मात्र नभई नयाँ भवनमा समेत जस्ताबाट पानी चुहिन थालेपछि कोठाभित्र छाता ओढ्नुको बिकल्प नरहेको हो। पानी छल्न झोला कुनामा राखेर छाता ओढेर बेन्चमा बसेका छात्रछात्राहरुको दृष्यले नरमाईलो सन्देश दिइरहेको थियो।

विद्यार्थीको बिजोग देखेका प्रअ झक्कु वलीले अति भएपछि छाता ओढेर पढ्दै गरेका विद्यार्थीको फोटो फेसबुकमा हाले। फोटोमाथि उनले लेखेका छन् ‘कक्षाभित्र यो रहर कि बाध्यता स्थानीय जनप्रतिनिधि ज्यू? विकास योजना माग गर्दा किन बेवास्ता गरिन्छ? करोडौं रकममध्ये किन राखिदैन शिक्षामा बजेट? राखिन्छ त किन आइपुग्दैन सम्बन्धित ठाउँमा? एक रहस्यमय नेपाल राष्ट्रिय माध्यमिक विद्यालयका झलक अरु ठाउँ पनि यस्तै होलान।’

रोल्पा नगरपालिकासँग सिमाना जोडिएको रुन्टीगढी गाउँपालिका १ जेदवाङमा रहेको नेपाल राष्ट्रिय माध्यमिक विद्यालय रिठाबोटका प्राय सबै कक्षामा दिनभर पानी चुहिरह्यो। पटकपटक स्थानीय सरकारसँग जस्तापाता माग गरेको विद्यालय प्रशासनले सहयोग नपाएको जनाएको छ। ‘वडा र गाउँपालिकामा माग गरेका छौं तर सहयोग भएको छैन।’ नागरिकसँग कुरा गर्दै प्रअ वलीले भने ‘चिसोमा विद्यार्थीको बिजोग भएको छ।’

गाउँपालिकाका शिक्षा प्रमुखले छानो चुहिने गरेको बिषयमा आफूलाई जानकारी नभएको बताए। ‘भवन माग त गरेका छन् तर छाना चुहिने विषयमा मलाई जानकारी छैन।’ रुन्टीगढी गाउँपालिकाका शिक्षा प्रमुख कुलराज आचार्यले भने ‘छिटै नै समस्या समाधान हुनेछ।’

प्रअ वलीका अनुसार यो विद्यालयको पुरानो भवन जीर्ण अवस्थामा रहेको छ। पानी चुहिने समस्या मात्र नभएर भवन नै भत्केला भन्ने चिन्ता रहेको शिक्षकहरु बताउँछन्। त्यसो त केहि वर्षअगाडि बनेको नयाँ भवनमा पनि पानी चुहिएण्छि उनीहरु झनै दिक्क बनेका हुन् । यो समाचार आजको नागरिक दैनिकमा दिनेश सुवेदीले लेखेका छन् ।
 

प्रतिक्रिया दिनुहोस्
मुख्य समाचार

काठमाडौं : त्रिवि शिक्षण अस्पताल महाराजगञ्जमा उपचाररत ४५ दिने शिशुमा कोरोना संक्रमण पुष्टि भएको छ

काठमाडौं : कोरोनाभाइरस (कोभिड–१९)का कारण विदेशमा १ सय ३० जना नेपाली नागरिकले ज्यान गुमाएका छन्

हेटौंडा : मकवानपुर जिल्लास्तरीय मानवअधिकार अवस्था अनुगमन समितिका संयोजक तथा गैरसरकारी संस्था महासंघ मकवानपुरका अध्यक्ष

काठमाडौं : लकडाउन उल्लंघन गरेको भन्दै महानगरी ट्राफिक प्रहरी महाशाखाले काठमाडौं उपत्यकाका विभिन्न स्थानबाट ३

काठमाडौं : कोरोना महामारी नियन्त्रण तथा रोकथामका लागि सरकारले जारी गरेको लकडाउनका कारण लामो समयदेखि

पोखरा : गण्डकी प्रदेशमा मंगलबार बिहान थप १७ जनामा कोरोना संक्रमण पुष्टि भएको छ ।

काठमाडौं: यौनशोषणको आरोपमा युट्युवर अर्जुन शिवाकोटी पक्राउ परेका छन् । महानगरीय अपराध महाशाखाबाट खटिएको प्रहरी

काठमाडौं : सोमबार काठमाडौं उपत्यकामा थप ८ जनामा कोरोना संक्रमण पुष्टि भएको छ । स्वास्थ्य

काठमाडौं : कोभिड–१९ र लकडाउन पछि नेपाली श्रमजीवी पत्रकार, कर्मचारी र कामदारको पेशागत सुरक्षा अत्यन्तै

काठमाडौं : नेपालमा सोमबार ४ सय ७६ जनामा कोरोना संक्रमण पुष्टि भएको छ । स्वास्थ्य

कपिलवस्तु : प्रदेश ५ को कपिलवस्तुमा सलह किराको नयाँ झुन्ड देखिएको छ । सोमबार दिउँसो

काठमाडौं : ललितपुरको खोकनामा स्थानीवासी र प्रहरीबीच सामान्य झडप भएको छ । सोमबार बिहान खेतमा