काठमाडौं : कुमारी बैंकले सेयरधनीलाई ८.५ प्रतिशत बोनस सेयर वितरण गर्ने प्रस्ताव गरेको छ । गत आर्थिक वर्ष २०७४/७५ को नाफाबाट बोनस सेयर वितरण गर्ने प्रस्ताव बैंक सञ्चालक समितिको पुस २५ गतेको बैठकले पास गरेको हो ।
गत आर्थिक वर्षमा बैंकले एक अर्ब १४ लाख खुद नाफा कमाएको थियो । यही नाफाबाट बैंकले बोनस बाँड्न लागेको हो ।
प्रस्तावित लाभांश राष्ट्र बैंकबाट स्वीकृत भएर बैंकको आगामी वार्षिक साधारणसभाले पारित गरेपछि सेयरधनीलाई वितरण हुनेछ । बैंकले आर्थिक वर्ष २०७३/७४ को नाफाबाट सेयरधनीलाई १२.७५ प्रतिशत बोनस सेयर वितरण गरेको थियो ।
