जनकपुरधाम : सानो पाइलाको अग्रसरतामा जनकपुरमा आज एक अन्तर्राष्ट्रिय गैरसरकारी संस्थाद्धारा ‘सानो घर’ को सुभारम्भ गरिएको छ ।
सुनिचित भविष्य परियोजनाअन्तर्गत जनकपुरमा शनिबार उक्त सानो घरको प्रदेश २ सामाजिक विकास मन्त्री नवलकिशोर साहले उद्घाटन गरे ।
कार्यक्रममा बोल्दै प्रमुख अतिथि मन्त्री साहले अभिभावकविहीन, हिंसापीडित र जोखिममा परेका विपन्न समुदायका बालबालिकाका लागि सानो घर मृत सञ्जीवनी नै हुने बताए ।
उद्घाटन कार्यक्रमलाई सम्बोधन गर्दै मन्त्री साहले आयोजक र कार्यक्रमलाई सघाउने विदेशी पाहुनालाई धन्यवाद दिँदै प्रदेश २ सरकारबाट सम्पूर्ण खाले सहयोगको प्रदाग गरिने बाचा गरे ।
जनकपुरधाम–७ मा अवस्थित सानो घरमा १२ जना अभिभावकविहीन विपन्न बालबालिका रहेका छन् ।
सानो घरमा बालबालिका स्याहारका लागि चार जना व्यक्तिलाई चौबिसै घन्टा खटाइको छ । उनीहरुले बालबालिकाकालाई विद्यालय पठाउने, पढाउने, खेलकुदको व्यवस्था गर्दिने गर्छन् ।