काठमाडौं : जल तथा मौसम पूर्वानुमान महाशाखाले आज (बुधबार) देशभर मौसम सामान्यतया सफा रहने छ भने तराई र पहाडी भूभागमा भने हुस्सु र कुहिरो लागेको जनाएको छ ।
गत साता नेपाल प्रवेश गरेको पश्चिमी न्युन चापीय प्रणाली वायुको प्रभाव हाल नेपालमा उल्लेखनीय नरहेको कारण मौसम सामान्यतया सफा रहेको महाशाखाले जनाएको छ ।
साथै देशको तराई भूभागका अधिकांश स्थान लगायत पहाडी भूभागका केही स्थानमा हुस्सु र कुहिरो लागेको छ ।
आगामी तीन दिनको मौसम
माघ ८ गते (बुधबार)
दिउँसो : मौसम सामान्यतया सफा रहनेछ । तराईका भूभागमा हुस्सु र कुहिरो रहनेछ ।
राति : मौसम सामान्यतया सफा रहनेछ । तराईका भूभागमा हुस्सु र कुहिरो रहनेछ ।
माघ ९ गते (बिहिबार)
दिउँसो : मौसम सामान्यतया सफा रहनेछ । मध्य तथा पूर्वी तराईका भूभागमा हुस्सु र कुहिरो रहनेछ ।
राति : देशको पूर्वी पहाडी भूभागमा आंशिकदेखि सामान्य बदली रहनेछ बाँकी स्थानमा मौसम सामान्यतया सफा रहनेछ ।
माघ १० गते (शुक्रबार)
दिउँसो : देशभर मौसम सामान्यतया सफा रही केही स्थानमा आंशिक बदली रहनेछ ।
राति : देशभर मौसम सामान्यतया सफा रही केही स्थानमा आंशिक बदली रहनेछ ।