जनकपुरधाम : जिल्लास्थित ट्राफिक प्रहरीले जनकपुरमा निःशुल्क आँखा शिविरको आयोजना गरेको छ ।
जिल्ला ट्राफिक प्रहरी कार्यालय धनुषा र जानकी आँखा अस्पताल जनकपुरको संयुक्त टोलीले सो शिविरको आयोजना गरेको हो ।
ट्राफिक प्रहरी र जानकी आँखा अस्पतालको संगुक्त टोली मिलेर जनकपुरधाम उपमहानगरपालिका वडा नम्बर १४ स्थित अस्थाई ट्राफिक प्रहरी पोष्ट मुजेलिया अगाडि निःशुल्क आँखा तथा ब्लडप्रेसर जाँच शिविरको आयोजना गरेका छन् ।
शिविरमा लामो तथा छोटो दूरीमा चल्ने विभिन्न भाडाका सवारी साधनका चालकहरुलाई रोकेर आखाँ तथा ब्लडप्रेसर जाँच गरिएको जिल्ला ट्राफिक प्रहरी कार्यालय धनुषाका प्रमुख प्रहरी निरीक्षक परशुराम घिमिरेले जानकारी दिए । शिविरमा करिव दुई दर्जन चालकहरुको निःशुल्क जाँच गरिएको उनले बताए ।
