राष्ट्रिय गौरवको हुलाकी राजमार्ग स्तरोन्नति गरिँदै


कैलाली : कैलाली जिल्लामा निर्माणाधीन राष्ट्रिय गौरवको हुलाकी राजमार्गको स्तरोन्नति गर्न थालिएको छ ।

भारत सरकारको अनुदान सहयोगमा कैलालीमा निर्माण पूरा गरिएको ‘एक लेन’ को हुलाकी राजमार्गलाई स्तरोन्नति गर्न प्रक्रिया शुरु भएको हुलाकी राजमार्ग आयोजना कार्यालय धनगढीले जनाएको छ ।

सो राजमार्गका अधिकांश ठाउँमा ‘दुई लेन’ र शहरी क्षेत्रमा ‘चार लेन’को सडक बनाउन लागिएको कार्यालयका इञ्जिनीयर पदमबहादुर मडैले बताए । धनगढीदेखि सत्तीसम्मको राजमार्गलाई ‘दुई लेन’ बनाउन लागिएको धनगढी उपमहानगरपालिका क्षेत्रमा पर्ने ३ किमी लामो सडक खण्डलाई ‘चार लेन’को बनाउन लागिएको छ ।

यस्तै लम्कीदेखि सत्ती (उत्तरदक्षिण) सम्मको हुलाकी राजमार्गको शहरी क्षेत्र लम्की र टीकापुरमा ‘चार लेन’ र ग्रामीण क्षेत्रमा ‘दुई लेन’ सडक बनाउन लागिएको छ । भारत सरकारको अनुदानमा कैलाली जिल्लामा हुलाकी राजमार्ग केही वर्षअघि नै निर्माण पूरा गरिएको थियो ।

“यो सडकको स्तरोन्नतिको प्रक्रिया अघि बढेको छ”-आयोजना कार्यालयका सूचना अधिकारीसमेत रहेका उनले भने,“अहिले मूल्याङ्कनको काम भइरहेकाले यही फागुनभित्र निर्माण कम्पनीसँग सम्झौता भइसक्ने सम्भावना छ ।” कैलाली र कञ्चनपुरमा नेपाल सरकारद्वारा निर्माण गर्न लागिएको हुलाकी राजमार्ग ‘दुई लेन’ को हुने इञ्जिनीयर मडैले बताए ।

धनगढीदेखि सत्तीसम्मको ६२ किमी लामो हुलाकी राजमार्गमध्ये जिल्लाको कान्द्रा नदीदेखि कटनी पुलसम्मको (पूर्व-पश्चिम) १६ किलोमिटर लामो भागमा यो राजमार्ग हाल निर्माणाधीन छ । यसै क्षेत्रको थप २ किमी लामो भाग (वसन्ता वन क्षेत्र)मा भने यो राजमार्ग निर्माणको काम शुरु हुन सकेको छैन ।

यस खण्डको राजमार्ग निर्माण गरिने क्षेत्रमा पर्ने रुख कटानीको अनुमति दिन भएको ढिलाइले निर्माण अघि बढ्न नसकेको हो । उपमहानगरपालिका क्षेत्रमा पर्ने ३ किमी लामो हुलाकी राजमार्गलाई चौडा बनाई स्तरोन्नति गरिने भएपछि सडक क्षेत्रमा पर्ने घर संरचनालाई सम्बन्धित व्यक्तिले आफैँ हटाएर सहयोग पुर्याउन थालेका छन् ।

सडक क्षेत्रमा बनाइएका घर संरचना सम्बन्धितले आफैँ हटाउन थालेपछि हुलाकी सडकको स्तरवृद्धि गर्ने काम सहज भएको उपमहानगरपालिकाका प्रमुख नृपबहादुर वडले बताए । उपमहानगरपालिका कार्यालयको पहलमा धनगढीको क्याम्पस चोकदेखि मनहेरा (कालिका मन्दिर) सम्मको ३ किमी लामो भागको सडकलाई ‘चार लेन’को बनाउन लागिएको हो ।

स्थानीयवासी प्रमिला लम्सालले विकासको काममा स्थानीयवासीको भूमिका महत्वपूर्ण हुने महसुस गरी घर अगाडिको सडक चौडा बनाउने काममा सबैले सहयोग गरिरहेको बताए । “चौडा सडक बनाउने भनेपछि आफूहरुले स्वस्फूर्त रुपमा सडक क्षेत्रमा पर्ने घर संरचना भत्काउन थालेका हाँैं”, उनले भने ।

हुलाकी सडकको क्षेत्राधिकार ३० मिटर कायम गरिएको छ । कैलालीको धनगढीदेखि भजनी हँुदै सत्तीसम्मको (पूर्वपश्चिम) ६२ किमी लामो हुलाकी राजमार्ग मध्ये ४४ किमी लामो राजमार्ग र लम्कीदेखि टीकापुर हुँदै खक्रौलासम्मको (उत्तरदक्षिण) झण्डै २७ किमी सडकसमेत भारत सरकारकै सहयोगमा केही वर्षअघि निर्माण पूरा भएको थियो । बनेको केही वर्षभित्रै सो राजमार्गको कालोपत्रे ठाउँठाउँमा भत्किन थालेको थियो ।

कञ्चनपुरको डोके बजारदेखि बेलौरी र बेलडाँडी हुँदै दैजीसम्मको हुलाकी राजमार्गको निर्माण ३ प्याकेजमा निर्माणाधीन छ । बैसठ्ठी किमी लामो सो खण्डको अन्तिमविन्दु दैजी बजार हो ।
बेलौरी बजार नजीकको पचुई क्षेत्रमा भारतीय सीमा सुरक्षा बलका व्यक्तिले राजमार्ग निर्माण गरिने ठाउँ भारतीय क्षेत्र भएको भन्दै विगतमा वाधा अवरोधसमेत पुर्याएका थिए । यी दुवै जिल्लामा गरी सो राजमार्ग सडकमा निर्माण हुने ९ पुलको ठेक्का लाग्न बाँकी छ । रासस

प्रतिक्रिया दिनुहोस्
मुख्य समाचार

काठमाडौं– सांसदहरुले बालबालिका शिक्षाको नाममा काठमाडौंमा डलर खेतिको धन्दा चलिरहेको बताएका छन् । प्रतिनिधिसभाको महिला

जुम्ला : कर्णाली स्वास्थ्य विज्ञान प्रतिष्ठान शिक्षण अस्पतालको आइसियू कक्षमा अनशनरत डा. गोविन्द केसीलाई काठमाडौं

काठमाडौं– कोरोना भाइरसको संक्रमणबाट आज सोमबार थप १६ जनाको मृत्यु भएको छ । योसँगै कोरोना

वीरगञ्ज : पुल निर्माण कार्यमा विवाद भएपछि बारा र रौतहटका स्थानियबीच झडप भएको छ ।

काठमाडौं : प्रधानमन्त्री केपी शर्मा ओलीले कीर्तिमानी आरोही आङरिता शेर्पाको निधनमा दुःख व्यक्त गर्दै श्रद्धाञ्जलि

काठमाडौं : शैलुङ र होनीको कम्पनीले सरकारविरुद्ध उच्च अदालत पाटनमा तेस्रो मुद्दा दायर गरेको छ

विराटनगर : कोरोना सङ्क्रमित एक महिलाको मोरङको बूढीगङ्गास्थित शिक्षण अस्पतालमा उपचारका क्रममा आज मृत्यु भएको

काठमाडौं : प्रदेश २ का मुख्यमन्त्री लालबाबु राउतले निजामती कर्मचारीहरुको आधिकारिक ट्रेड युनियनको निर्वाचन स्थगन

काठमाडौं : जल तथा मौसम पूर्वानुमान महाशाखाले देश भर सामान्यतया बदली रही देशका केही स्थानहरुमा

काठमाडौं : चितवनमा बुद्ध र यती एयरलाइन्सरले आज दुई–दुई उडान गर्ने भएको छ । झण्डै

मोरङ : नेपाल कम्युनिस्ट पार्टी (नेकपा)का सांसद अमनलाल मोदीलाई कोरोना संक्रमण पुष्टि भएको छ। मोदीका

नवलपरासी (बर्दघाट सुस्तापूर्व) नवलपुरमा ज्वाइँले खुर्पा प्रहार गरी ससुराको हत्या गरेका छन्। नवलपुरको कावासोती नगरपालिका–१५,