हिलिहाङ: मेची राजमार्गअन्तर्गत पाँचथरको फिदिममा गएराति भएको ट्याक्टर दुर्घटनामा १ जनाको मृत्यु भएको छ भने ३ जना घाइते भएका छन्। दुर्घटनामा फिदिम–२ का ४३ वर्षीय जगत नेपालीको मृत्यु भएको हाे। ट्याक्टर चालक फिदिम–४ निवासी विजय वर्देवासहित १४ वर्षीय छवि दर्जी र १५ वर्षीय उमेश दर्जी गम्भीर घाइते भएका छन्।
घाइतेहहरूको पाँचथर जिल्ला अस्पतालमा उपचार हुन नसकेपछि राति नै झापा र विराटनगरका विभिन्न अस्पताल पठाइएको जिल्ला प्रहरी कार्यालयका प्रहरी निरीक्षक अनिल पौड्यालले बताए।
लालीखर्कवाट फिदिमतर्फ आउँदै गरेको मे१त २९६१ नम्बरको ट्याक्टर फिदिम–२ ओदिन नजिकै दुर्घटना भएको प्रहरीले जनाएको छ। रासस
