काठमाडौं : २२ औं बूढासुब्बा गोल्डकप फुटबलमा सन्डे एफसी कोलकोत्तालाई पराजित गर्दै मछिन्द्र सेमिफाइनलमा प्रवेश गरेको छ । धरान रंगशालामा आज भएको खेलमा भारतको सन्डे एफसी कोलकोत्तालाई ६–१ गोल अन्तरले हराउँदै मछिन्द्र सेमिफाइनल प्रवेश गरेको हो।
मछिन्द्रको जितमा विमल घर्तीमगरले ह्याट्रिक गरे । यस्तै विशाल राईले दुई गोल गर्दा रेजिन सुब्बाले एक गोल गरे । कोलकोत्ताका सञ्जीव बौरीले एक गोल फर्काए ।
