श्रम स्वीकृति गराउनेको संख्या बढ्दै


जनकपुरधाम : जनकपुरधामस्थित श्रम तथा रोजगार कार्यालयबाट चालु आर्थिक वर्ष २०७६-७७ को साउनदेखि फागुन महिनाको १४ गतेसम्ममा १० हजार २ सय ३२ जनाले श्रम स्वीकृति गराएका छन् ।

२०७५ पुस १५ गते स्थापना भएको सो कार्यालयबाट प्रारम्भमा केही समस्या आएपनि अहिले सहज र सुलभ रुपमा सेवाग्राहीहरु श्रमस्वीकृति लिई घर फर्किने गरेको श्रम तथा रोजगार कार्यालय जनकपुरधामका प्रमुख सुबोध कुमार महतोले जानकारी दिए ।

प्रदेशमै श्रम तथा रोजगार कार्यालयको स्थापना भएपछि सेवाग्राहीहरुलाई सहज भएको उनले बताए । कार्यालय प्रमुख महतोले सुरुमा विचौलियाहरुको बढी बिगबिगी रहेपनि अहिले सबैलाई नियन्त्रणमा ल्याइएको जिकिर गरे । श्रम स्वीकृति लिनेहरुमा सबभन्दा बढी धनुषाकै व्यक्तिहरु रहेको समेत उनले बताए ।

धनुषाबाट ६० देखि ७० प्रतिशत व्यक्ति श्रम स्वीकृति लिएका छन् भने अन्य जिल्लाबाट थोरै संख्यामा रहेको उनले बताए । उनले बारा र पर्साबाट कहिलेकाही मात्रै सेवाग्राहीहरु आउने गरेको जानकारी दिए । प्रमुख महतोले दैनिक करिव १ सय ५० जनासम्मलाई यस कार्यालयबाट श्रम स्वीकृति दिने गरिएको बताए ।

उनले भने,‘सुरुमा टोकन सिस्टम नहुँदा सेवाग्राही र कर्मचारीलाई पनि व्यवस्थापन गर्न समस्या भोग्नु परेको थियो । अहिले टोकन सिस्टम हुँदा सहज भएको छ ।’ कार्यालय प्रमुख महतोले अब कागजातहरु पुरा रहेमा दुई घण्टा भित्र श्रम स्वीकृति दिइने जिकिर गरेका छन् ।

त्यस्तै, श्रम तथा रोजगार कार्यालयबाट गत आर्थिक बर्षको पुसदेखि २०७६ बैशाख सम्ममा १३ हजार २ सय २३ जनाले श्रम स्वीकृति लिएका छन् । गत पुस १५ गते स्थापना भएको सो कार्यालयबाट पुसमा १ हजार ४ सय ४१ जना, माघमा ३ हजार १ सय १२ जना, फागुनमा ३ हजार ७ जना, चैतमा ३ हजार ८ सय १३ जना र ०७६ बैशाखमा २ हजार ७ सय ८७ जनाले श्रमस्वीकृति लिएको कार्यालय प्रमुख महतोले जानकारी गराएका छन् ।

यस कार्यालयमा शाखा अधिकृत २ जना, नायव सुब्बा ३ जना, कम्प्यूटर अपरेटर १ जना,भाषा अनुवादक १ जना र कार्यालय सहयोगी ३ जना गरि जम्मा १० जना कर्मचारी कार्यरत रहेका छन् ।

प्रतिक्रिया दिनुहोस्
मुख्य समाचार

काठमाडौं : कुवेतमा थप एक नेपाली कोरोनाभाइरस (कोभिड–१९)बाट संक्रमित भएका छन् । कुवेतको स्वास्थ्य मन्त्रालयले

जनकपुरधाम : प्रदेश २ मा बुधबार दिउँसोसम्म १ सय ४० जना कोरोना भाइरसका शंकास्पद व्यक्तिहरुको

काठमाडौंः नेपालमा कोरोनाभाइरस फेला परेको तेस्रो व्यक्तिसँगै गत चैत ४ गते दुबईबाट एयर अरेबिया एयरलाइन्सको

काठमाडौं : नेपाल पत्रकार महासङ्घले खोटाङ शाखाका सचिव उत्तम चौलागाईलाई प्रकाशित समाचारका विषयलाई लिएर नेपाली

बुटवाल : चैत १६ गते बुटवलको कोरोना विशेष अस्थायी अस्पतालमा मृत्यु भएका बाबुराम थापको शव

काठमाडौं : नेपालमा अहिलेसम्म २ हजार ३ सय ६६ जनाको कोरोना भाइरसको परीक्षण गरिएको छ।

विराटनगर : धरानस्थित बीपी कोइराला स्वास्थ्य विज्ञान प्रतिष्ठानमा कोरोना भाइरस संक्रमणका शंकास्पद बिरामीको स्वाब नमुना

काठमाडौं : जिल्ला प्रशासन कार्यालय काठमाडौंले जगदम्बाका सुलभ अग्रवाललाई सात दिन प्रहरी हिरासतमा राखेर अनुसन्धान

काठमाडौं : विश्वभर कोरोना भाइरसका कारण अहिलेसम्म ८२ हजार १४८ जनाको ज्यान गईसकेको छ। यो

काठमाडौं : कोरोना भाइरसका कारण लोक सेवा आयोगले वैशाख‌ १ देखि ‌सञ्चालन हुने‌ परीक्षा अनिश्चिकालका

काठमाडौं : दिवङ्गत पितृको सद्गतिको कामना गर्दै बौद्ध चैत्यमा दीप प्रज्वलन गर्ने तामाङ समुदायको पर्व

बाजुरा : अछाम जिल्लाको मेल्लेख गाउँपालिका र बाजुरा जिल्लाको बुढिगंगा नगरपालिका जोड्ने बुढिगंगा नदीको पुल