हेटौंडा : काठमाडौंबाट वीरगञ्ज जादैँ गरेको बसबाट सुनसहित भारतीय नागरिक पक्राउ परेका छन् ।
मंगलबार मकवानपुर प्रहरीले ६ किलो भन्दा बढी सुनसहित भारतको कर्नाटका ४२ बर्षीय अब्दुल मजिद अनेकललाई पक्राउ गरेको हो ।
वीरगञ्ज जाँदै गरेको रात्री बसलाई पूर्वपश्चिम राजमार्गको हेटौंडा –१५ रातोमाटेमा चेकजाँच उक्त सुन फेला परेको मकवानपरका प्रहरी उपरिक्षक सुशील सिंह राठौरले जानकारी दिएका छन् ।
ठूला उपकरणमा प्रयोग हुने फलामको बेरिङभित्र राखेर सुन तस्करी गरिएको थियो ।
प्रहरीका अनुसार बरामद भएको सुन नेपाली बजार मूल्यअनुसार ४ करोड २७ लाख ५८ हजार रुपैयाँ बराबरको छ ।
अब्दुललाई आवश्यक कारवाहीका लागि सुनसहित बाराको पथलैयास्थित राजश्व अनुसन्धान कार्यालय पठाइएको प्रहरीले जनाएको छ ।
