images

‘देशभन्दा ठूलाे अरु केही छैन, धम्कीदेखि तर्सिन्नँ’ : भीम रावल

द नेपालटप | प्रकाशित: २०७५-११-२९ गते
‘देशभन्दा ठूलाे अरु केही छैन, धम्कीदेखि तर्सिन्नँ’ : भीम रावल

काठमाडौं : नेकपाका नेता भीम रावलले सिके राउतसँग सरकारले गरेको सहमतिप्रति असन्तुष्टि व्यक्त गरेपछि उनका विरुद्ध विभिन्न कुप्रचार भएका छन् । देशको पक्षमा बोल्दा आफ्नो कुप्रचार भएको भन्दै उनले प्रतिरोध गरेका छन् ।

मंगलबार सामाजिक सञ्जाल ट्वीटरमा पोष्ट गर्दै रावलले त्यतिबेला नेपालको शान्ति सुरक्षा बिग्रिएको र आफू गृहमन्त्रीमा नियुक्त हुँदा अमेरिका मात्र नभएर अन्य देशका कुटनीतिज्ञले समेत स्वागत गरेको स्मरण गरेका छन् ।

उनले भनेका छन्, ‘नेपालमा सुरक्षा स्थिति बिग्रिएको बेला संभवत क्षमता र अनुभव हेरेर होला गृहमन्त्रीमा मेरो नियुक्तिलाई अमरिकी कूटनीतिज्ञले मात्र होइन प्रमुख देशका कूटनीतिज्ञले स्वागत गर्दै विशेष सुरक्षा नीतिको समर्थन गरेका थिए । यसलाई कसैको खबरी भन्ने जस्तो निकृष्ट प्रायोजित कुप्रचार गरिदैंछ ।’

साथै उनले नेपाल आमालाई गालिगलौज गर्ने सीके राउतलाई राष्ट्रिय हिरोको सम्मान दिएको भन्दै असन्तुष्टी पनि पोखेका छन् । उनले भनेका छन्, ‘नेपाल आमालाई गालिगलौज गर्दै टुक्राउन विदेशीहरूसँग समेत साँठगाँठ गर्ने सीके राउतलाई राष्ट्रिय हिरोको सम्मान दिँदै अलग देशको नेतासँगझंै सम्झौता गरी स्वतन्त्र मधेश र स्वशासन जस्ता संविधान विपरितका कुरा, मेरो विरूद्धको कुप्रचारको थोत्रो बर्कोले छोपिने छैन ।

भीम रावलसँगै वामदेव गौतम, नारायणकाजी श्रेष्ठसहितका नेताले पनि सहमतिमा शंका गरेका छन् । तर प्रधानमन्त्री ओली पक्षका नेताहरुले भने त्यसको बचाउ गर्दै आएका छन् ।

तर, यसमा नेकपाका सांसद भने विभाजित देखिएका छन् । आइतबार भएको संसद बैठकमा राउतसँगको सहमतिमा शंका गरेका भीम रावललाई लक्षित गर्दै ओली पक्षीय नेता महेश बस्नेतले रावललाई सिटामोल खान सुझाव दिएका थिए । नेता रावलले बस्नेतको भनाइको जवाफ सामाजिक सञ्जाल ट्वीटर मार्फत दिएका थिए ।

यहि क्रममा सोमबार बिहान प्रधानमन्त्री ओलीका राजनीतिक सल्लाहकार विष्णु रिमालले सम्झौताको विरोध गर्ने वा त्यसमा शंका गर्नेलाई लक्षित गर्दै व्यंग्यात्मक ट्वीट गरेका थिए ।

उनले लेखेका छन्, ‘नेताहरु झुक्किए, फसे वा फसाइए या तिनिहरुले गल्ति नै गरे पनि केही कुरा छैन–हामी धन्य छौं । मुलुक जोगाउने एक–से–एक उहाँहरु हुनुहुन्छ । आङ् सिरिङ्ग हुन्छ र साह्रै आश्चर्य लागिरहेको छ, उहाँहरुको जन्मअघि यो मुलुक कसरी जोगिए छ ?’

रिमालले ‘मुलुक जोगाउने एक–से–एक उहाँहरु’ भनेर भीम रावलसहितका नेतालाई संकेत गरेका हुन् । सीके राउतसँगको सम्झौताले नेकपाभित्र आन्तरिक मिलेमतोको विपरित कलहले घनिभूत रुप लिँदै गएको देखिएको छ ।

द नेपालटप

द नेपालटप

images
images
सम्बन्धित समाचार

प्रधानमन्त्री भन्छन्, ‘गण्डकमा पानीजहाज चलाइन्छ र चल्छ पनि’

प्रधानमन्त्री भन्छन्, ‘गण्डकमा पानीजहाज चलाइन्छ र चल्छ पनि’

काठमाडौँः प्रधानमन्त्री केपी शर्मा ओलीले गण्डकमा पानीजहाज चलाउने सपना आफूले देखेकाले छिट्टै पूरा हुने बताएका छ..

उठ्यो भूकम्पको केन्द्रविन्दु बारपाक

उठ्यो भूकम्पको केन्द्रविन्दु बारपाक

काठमाडाैंः चार वर्षअघिको शक्तिशाली भूकम्पको केन्द्रविन्दु बारपाकमा निजी आवास पुनर्निर्माण ८५ प्रतिशत सकिएको छ।..

योग पढाउँदै त्रिभुवन विश्वविद्यालय

योग पढाउँदै त्रिभुवन विश्वविद्यालय

काठमाडाैंः त्रिभुवन विश्वविद्यालयले प्राचिन विषय मध्येको एक योगको प्राज्ञिक अध्ययन थालेको छ। त्रिविको संस..

नेपालका दूरसञ्चार कम्पनी विश्वकै बढी नाफामुखी

नेपालका दूरसञ्चार कम्पनी विश्वकै बढी नाफामुखी

काठमाडाैंः मुलुकमा सञ्चालित दूरसञ्चार सेवा प्रदायक कम्पनीहरू विश्वकै सबैभन्दा धेरै नाफा राख्नेमा परेको पाइएको छ।&nb..

के हो मस्तिष्कघात ? कसरी बच्ने यसबाट ?

के हो मस्तिष्कघात ? कसरी बच्ने यसबाट ?

काठमाडाैंः मस्तिष्कमा रहेका धमनी फुटेर रक्तश्राव हुनु वा रगत जमेर रक्तनली थुनिई पोषक तत्व र अक्सिजन आपूर्ती रोकिएर..

महिलाको ‘काल’ बन्दै दाइजो

महिलाको ‘काल’ बन्दै दाइजो

वीरगन्जः तराई मधेसका महिलाहरु सुख सयलका साथ बाँकी जीवन बिताउने सपना सँगालेर आफ्ना पतिको घर अर्थात ‘ससुरा..