![](https://i0.wp.com/www.thenepaltop.com/wp-content/uploads/2020/03/india-4.jpg?fit=1300%2C658&ssl=1)
नयाँदिल्ली : भारत सरकारले कोरोनाभाइरस (कोभिड–१९)को संक्रमण रोक्न ‘जनता कफ्यू’ लगाएको छ ।
कोरोनाभाइरसको संक्रमण नियन्त्रण गर्न भारतले आज (आइतबार) ‘जनता कफ्यू’ लागू गरेको हो । आज बिहान ७ बजेदेखि शुरु भएको कफ्यू १४ घण्टासम्म जारी रहने छ ।
भारतीय सञ्चार माध्यम इन्डियन एक्स्प्रेसका अनुसार कफ्र्यूका कारण भारतका ठूला सहरका सडक सुनसान देखिएका छन् । मुम्बई, केरला, कोलकत्तालगायतका सहर सुनसान भएका हुन् ।
त्यसोत भारतमा कोरोना संक्रमण वृद्धि हालसम्मकै उच्च भएको छ । शनिबार मध्यरातीसम्ममा ७९ नयाँ संक्रमित देखिएको भारतीय सञ्चार माध्यम एनडीटीभीले जनाएको छ ।
यससँगै भारतमा ३ सय १५ जनामा संक्रमण पुष्टि भएको छ भने ४ जनाले ज्यान गुमाएका छन् । साथै २२ जना निको भएका छन् ।
चीनको वुहान प्रान्तबाट शुरु भएको कोरोनाभाइरस१ सय ८६ देशमा फैलिएको छ भने विश्वमा करिब १३ हजारको मृत्यु भएको छ । साथै विश्वभरी तीन लाख बढी संक्रमित भएका छन् ।