नयाँदिल्ली : समाचार संकलन गर्न पत्रकार सम्मेलनमा सहभागी भएका एक पत्रकारलाई कोरोनाभाइरस (कोभिड–१९) संक्रमण भएको छ ।
भारतको मध्यप्रदेशका मुख्यमन्त्री कोमलनाथद्वारा पदबाट राजीनामा घोषणा गर्न आयोजित पत्रकार सम्मेलनमा सहभागी भएका ती पत्रकारलाई कोरोना संक्रमण भएको हो ।
उनका छोरीमा समेत कोरोना पुष्टि भएको भारतीय सञ्चार माध्यमले जनाएको छ ।
यसैबीच पत्रकार सम्मेलनमा सहभागी पत्रकार संक्रमित भएपछि निवर्तमान मुख्यमन्त्री कोमलनाथ क्वारेन्टाइनमा बसेका छन् ।
भारतमा कोरोनाबाट १० जनाको ज्यान गएको छ । ५ सय ६२ जना संक्रमित भएको पुष्टि भइसकेको छ ।
