![](https://i0.wp.com/www.thenepaltop.com/wp-content/uploads/2020/03/yadav-1.jpg?fit=830%2C558&ssl=1)
काठमाडौं : प्रतिनिधिसभा सदस्य तथा संघीय सांसद प्रदीप यादवले किसानको काममा बाधा नपुर्याउने भन्दै एक विज्ञप्ती जारी गरेका छन् ।
उनले विश्वव्यापी रुपमा फैलिएको कोरोना भाइरस संक्रमणको बेला अन्न उत्पादन गर्ने अन्नदाता किसानको काममा बाधा नपुगोस् भनेर आज विज्ञप्ती जारी गरेका हुन् ।
विज्ञप्तीमा देश र विदेशमा अहिले विश्वव्यापी रुपमा कोरोना भाइरस संक्रमणको महामारी फैलिएको बेला सरकारले देशमा लकडाउन गरेको र थप एक हप्ता बढाइएको छ, जुन आवश्यक रहेको उल्लेख छ ।
लकडाउनको क्रममा खाद्यान्न र अन्न आवश्यक वस्तुको अभाव नहोस् भनेर आपूर्ति व्यवस्था मिलाउन सरकार प्रदेश सरकार र स्थानीय तहहरुले प्रयास गरिरहेका छन् । तर यस विषयमा गाउँका किसानहरुको खेती किसानीमा बाधा अवरोध पुर्याइएको गुनासो बढेको विज्ञप्तीमा उल्लेख छ ।
![](https://i0.wp.com/www.thenepaltop.com/wp-content/uploads/2020/03/n.png?resize=405%2C575&ssl=1)