एजेन्सी– कोरोनाभाइरसको कारण भारतमा एक शिशुको मृत्यु भएको छ ।
कोरोनाको उपचार गराइरहेका १४ महिनाको ती बालकको ५ अप्रिलमा जामनगरस्थित सरकारी अस्पतालमा मृत्यु भएको हो ।
दुई दिनअघि कोरोना संक्रमण पुष्टि भएपछि उनलाई भेन्टिलेटरमा राखेर उपचार गरिएको थियो ।
कोरोनाबाट मृत्यु हुने शिशु गुजरातमै सबैभन्दा कम उमेरका बिरामी हुन् । मंगलबारमात्रै गुजरातमा कोरोना भाइरसका २९ नयाँ बिरामी फेला परेका छन् । योसँगै सो राज्यमा कोरोना भाइरस संक्रमितको संख्या १७५ पुगेको छ ।
अहिले सम्म भरतमा ५ हजार ३ सय ५६ जना संक्रमित भएका छन् भने १ सय ६० जनाको मृत्यु भएको छ ।