![](https://i0.wp.com/www.thenepaltop.com/wp-content/uploads/2020/04/manab-adhikar-aayog.jpg?fit=800%2C382&ssl=1)
काठमाडौं : राष्ट्रिय मानव अधिकार आयोगले कैदीबन्दी, विद्यार्थी र आप्रवासी कामदारको मानव अधिकार संरक्षण गर्न माग गरेको छ।
कोरोना संक्रमणको स्थितिमा हिरासत तथा कारागारमा रहेका थुनुवा, कैदीबन्दीको मानव अधिकारको अवस्था सम्बन्धमा आयोगले अनुगमन गर्दै कैदीबन्दी, विद्यार्थी र आप्रवासी कामदारको मानव अधिकार संरक्षण गर्न सरकारसँग माग गरेको हो।
आयोगका सदस्य सुदिप पाठकसहितको टोलीले आज काठमाडौं र ललितपुरका केही हिरासतका साथै केन्द्रीय कारागारको अनुगमन गरेको आयोगका प्रवक्ता एवं सचिव वेद भट्टराईले बताएका छन्।
अनुगमनका क्रममा खानेपानी, शौचालय तथा सरसफाइ र सामाजिक दूरी कायम गर्न समस्या रहेको भेटिएको आयोगले बताएको छ।
![](https://scontent.fktm8-1.fna.fbcdn.net/v/t1.15752-9/94333453_675968786563494_4118724945096212480_n.jpg?_nc_cat=111&_nc_sid=b96e70&_nc_ohc=hb_fXE1u2W4AX-LVVvh&_nc_ht=scontent.fktm8-1.fna&oh=485966b7c39e0124cc2ce73e7ee2792d&oe=5ECC3814)