![](https://i0.wp.com/www.thenepaltop.com/wp-content/uploads/2020/08/accide.jpeg?fit=998%2C524&ssl=1)
दार्चुलाः दार्चुलामा ट्याक्टर दुर्घटना हुँदा एक जनाको मृत्यु भएको छ ।
मार्मा गाउँपालिकाका-२ सेलभिसाबाट चामल र मानिस बोकेर अपि हिमाल गाउँपालिकाको मकरीगाड जाँदै गरेको से ४ क ४०४७ नम्बरको ट्याक्टर रातापानीमा दुर्घटना भएको प्रहरीको भनाइ छ । मार्मा गाउँपालिका-६ का ४० वर्षीय गणेश धामीको मृत्यु भएको छ ।
त्यस्तै दुर्घटनामा परी मार्मा गाउँपालिका-१ का १६ वर्षीय विकास नेपाली, सोहि ठाउँका ५३ वर्षीय रामसिंह महरा, १९ वर्षीय कृष्ण नेपाली, २२ वर्षीय सागर नेपाली र अपि हिमाल गाउँपालिका–२ का विरसिह लोथ्याल घाइते भएका छन् ।
घाइते पाँचै जनालाई उपचारका लागि गोकुलेश्वर अस्पताल लगिएको छ । ट्याक्टर चालक कमल लामालाई प्रहरीले नियन्त्रणमा लिएर घटनाबारे अनुसन्धान गरिरहेको जनाएको छ ।
प्रकाशितः १० भदौ, २०७७