![](https://i0.wp.com/www.thenepaltop.com/wp-content/uploads/2020/09/llagani_kosh.jpg?fit=900%2C464&ssl=1)
काठमाडौंः नागरिक लगानी कोषले ४ अर्ब ४५ करोड ५९ लाख ६० हजार रुपैयाँ वाणिज्य बैंकहरुको मुद्दती निक्षेपमा लगानी गर्ने भएको छ ।
कोषले १ देखि २ वर्षे अवधिको लागि उक्त रकम वाणिज्य बैंकहरुको मुद्दती निक्षेपमा लगानी गर्न लागेको जनाएको छ । ईच्छुक बैंकहरुले साउन २१ गते दिउँसो २ बजेभित्र सिलबन्दी आवेदन दिन सक्ने कोषले जनाएको छ ।
कोषले २०७७ असोज १० गतेसम्म भुक्तानी म्याद सकिने मुद्दती निक्षेप समावेश गरिएको सुचना मार्फत जनाएको छ । कोषले एक सुचना जारी गर्दै निक्षेप लिन चाहाने ‘क’ वर्गका वाणिज्य बैंकहरुलाई आफुले लिन चाहेको रकम, निक्षेपमा प्रदान गर्ने ब्याजदर र ब्याज भुक्तान गर्ने अवधिसमेत उल्लेख गरी आवेदन पेश गर्न आग्रह गरेको छ ।
प्रकाशितः १८ भदौ, २०७७