चितवन : चितवनमा १८ महिनाको बालकसहित थप १२ जनामा कोरोना संक्रमण पुष्टि भएको छ ।
भरतपुर अस्पतालअन्तर्गतको कोभिड–१९ प्रयोगशालामा मंगलबार २ सय ५७ जनाको नमुना परीक्षण गर्दा १२ जनामा कोरोना संक्रमण देखिएको प्रयोगशालाले आज विहान सार्वजनिक गरेको विवरणमा उल्लेख छ ।
भरतपुर महानगरपालिकाका ७ महिला र २ पुरुष गरी ९ जनामा संक्रमण देखिएको छ भने उनीहरु ९ वर्षदेखि ५४ वर्ष उमेर समूहका छन् ।
चितवनकै माडी नगरपालिकाका १८ महिने बालक र २७ वर्षीय युवकमा पनि कोरोना संक्रमण पुष्टि भएको छ ।
यसैगरी सिन्धुपाल्चोकका ३९ वर्षीय पुरुषमा पनि कोरोना संक्रमण देखिएको छ । उनको भरतपुर अस्पतालमा स्वाब संकलन गरिएको थियो ।
प्रकाशित : भदौ २४, २०७७
