सुखडः कैलालीमा एक पत्रकार मृत फेला परेकी छिन् । जिल्लाको घोडाघोडी नगरपालिकामा २३ वर्षीया पत्रकार निर्मला पहराइ मृत फेला परेकी हुन् ।
घटनास्थलमा पुगेका नेपाल पत्रकार महासंघ जिल्ला शाखा कैलालीका सहसचिव श्रवण देउवाले उनी झुण्डिएको अवस्थामा मृत फेला परेको जानकारी दिएका छन् ।
उनका अनुसार घोडाघोडी नगरपालिका वडा नं.४ की उनी जिल्लाको कैलाली एफएममा कार्यरत थिईन् । उनी २१ गतेबाट सम्पर्क विहीन भएकी थिईन् ।
ईलाका प्रहरी कार्यालय सुखडका प्रमुख तथा प्रहरी नायव उपरिक्षक सागर बोहराले घटनास्थलमा प्रहरी निरिक्षकको टोली खटाइएको बताउँदै थप अनुसन्धान भईरहेको जानकारी दिए ।
उनका अनुसार वडा नं.५ मा उनी मृत फेला परेकी थिईन् । ३ दिनअघि घरबाट सुखड जान्छु भनि हिडेकी उनी त्यसयता सम्पर्क बिहिन रहेको बताइएको छ ।
प्रकाशितः २ असोज, २०७७
