काठमाडौँ : नेकपा एमालेको जारी जिल्ला अधिवेशनअन्तर्गत अहिलेसम्म २० जिल्ला र दुई विशेष जिल्ला कमिटी चयन भएका छन्। नेकपा एमाले प्रचार विभाग उपप्रमुख विष्णु रिजालका अनुसार आइतबार बिहान ७ बजेसम्म २० जिल्ला र २ विशेष जिल्ला कमिटीको परिणाम आएको हो ।
हालसम्म झापा, पाल्पा, दाङ, डोल्पा, सल्यान, बर्दिया, बाँके, धादिङ, अर्घाखाची, मोरङ, काभ्रे, भक्तपुर, गुल्मी, खोटाङ, सप्तरी, तनहुँ, धनकुटा, रसुवा, नवलपरासी ९पश्चिम० र कपिलवस्तु तथा विशेष जिल्ला कमिटीबाट मजदुर विशेष र पेशागत विशेषको नेतृत्व चयन भएको रिजाले जानकारी दिए ।
शुक्रबार ६३ जिल्लाको जिल्ला अधिवेशन अध्यक्ष केपी शर्मा ओलीले भर्चुअल माध्यमबाट उद्घाटन गरेका थिए । अधिवेशन हुन नसकेका १४ जिल्लामा भने पछि मिति तोकेर अधिवेशन गर्ने एमालेले जनाएको छ।
यी हुन् नवनिर्वाचित एमाले अध्यक्षहरु
१. झापा – दीपक कार्की
२. पाल्पा – धनेन्द्रराज घिमिरे
४. डोल्पा – शेरबहादुर बुढा
५. सल्यान – गोविन्द पुन
६. बर्दिया – लालबहादुर श्रेष्ठ
७. बाँके -किस्मतकुमार कक्षपति
८. धादिङ – भूमि त्रिपाठी
९. अर्घाखाची – पीताम्बर भुसाल
१०. मोरङ – ऋषिकेश पोखरेल
११. काभ्रे – अशोक ब्याञ्जु
१२. भक्तपुर – बचन देउजा
१३. गुल्मी – बालसिंह काउछा
१४. खोटाङ – रामप्रसाद दंगाल
१५. सप्तरी – ताराकान्त चौधरी
१६. तनहुँ – श्रीप्रसाद श्रेष्ठ
१७. धनकुटा – इन्द्रमणि पराजुली
१८. रसुवा – कर्णेल लामा
१९. नवलपरासी (पश्चिम) – दीपेन्द्र अधिकारी
२०. कपिलवस्तु – डम्बर शर्मा
विशेष जिल्ला कमिटी
१. मजदुर विशेष – जितेन्द्र श्रेष्ठ
२. पेसागत विशेष – उमेश ढकाल
