काठमाडौं : अमेरिकाको मासाचुसेट्सका ध्रुब थापाले एक करोड (दश मिलियन) अमेरिकन डलरको चिट्ठा जितेका छन् । उनले ओसियन स्ट्रेट मार्केटमा उक्त लोटरीको टिकट काटेका थिए ।
थापाले जितेको १० मिलियन डलरको लोटरी रकममध्ये कर लगायतको अन्य बोनस रकम काटेर झण्डै ४५ लाख अमेरिकन डलर (करिब ४९ करोड नेपाली रूपैयाँ) एकै पटक प्राप्त गर्नेछन् ।
उनले आफूले जितेको रकम छोरीको मेडिकल शिक्षामा खर्च गर्ने बताएका छन् ।