काठमाडौं : पेरुका प्रधानमन्त्री हेक्टर भ्यालेरले राजीनामा दिएका छन् । गत हप्ताको मंगलबार मात्रैप्रधानमन्त्री बनेका भ्यालेरमाथि घरेलु हिंसाको आरोप लागेसँगै उनले पदबाट राजीनामा दिएका हुन् ।
प्रधानमन्त्री भ्यालेरले सन् २०१६ मा आफ्नी पछिल्लो श्रीमती र छोरीमाथि हात उठाएको अभियोग लागेको छ। सो अभियोगको समाचार तीव्र रुपमा बाहिरिएपछि प्रधानमन्त्रीको चर्को आलोचना भएको थियो। उक्त अभियोगपछि त्यहाँका राष्ट्रपति पेड्रो क्यासिलोले ६ महिनाभित्रमा चौथो नयाँ मन्त्रीमण्डल गठन गर्ने बताएका थिए।
घरेलु हिंसा गरेका प्रधानमन्त्री भ्लालेरले राजनीतिक अधिकारको दुरुपयोग गरेको आरोप लगाइएको छ। प्रधानमन्त्री भ्यालेरले भने आफूमाथि झुटो आरोप लागेको बताएका छन्।
