![](https://i0.wp.com/www.thenepaltop.com/wp-content/uploads/2019/09/1566013598.Mausam_20190817030101-1.jpg?fit=1000%2C500&ssl=1)
काठमाडौं : देशका पश्चिमी पहाडी भू-भागका केहि स्थानमा मेघ गर्जनसहित वर्षा भइरहेको छ। जल तथा मौसम विज्ञान विभागको मौसम पूर्वानुमान महाशाखाको शनिबार बिहान ६ बजे निकालेको बुलेटिनमा मनसुनको न्यून चापिय रेखा औसत स्थान आसपासमा रहेको छ।
मनसुनको न्यून चापिय रेखाको साविक स्थान भन्नाले भारतको उत्तरी राजस्थान, हरयाना, दिल्ली, दक्षिण उत्तर प्रदेश, दक्षिण बिहार, झारखण्ड र पश्चिम बंगाल हुँदै बंगालको खाडीको शिरसम्म जनाउँछ।
शनिबार दिउँसो देशका धेरैजसो स्थानमा सामान्य बदली रही केही स्थानहरुमा मेघ गर्जन/चट्याङ्गसहित मध्यम वर्षा हुने विभागले जनाएको छ। पूर्वी तथा मध्य पहाडी भू-भागका एक-दुई स्थानहरूमा भारी वर्षाको सम्भावना छ।
राति पनि देशका धेरैजसो स्थानहरुमा सामान्यतया बदली भइ केही स्थानमा मेघ गर्जन/चट्याङ्गसहित मध्यम वर्षा हुनेछ। देशको पूर्वी तथा मध्य पहाडी भू-भागका एक दुई स्थानहरूमा भारी वर्षाको सम्भावना छ।